17 Nao God i mekem se king blong ol man Koldia i kam faet agensem olgeta.+ King ya i go insaed long tabu ples blong olgeta+ mo i kilim ol yang man oli ded long naef blong faet.+ Hem i no gat sore nating long ol yang man, ol gel we oli no save man yet, ol olfala mo olgeta we oli no moa strong.+ God i putum evri samting long han blong king ya.+

11 Evri man Isrel oli no bin folem Loa blong yu mo oli tanem baksaed, oli no obei long voes blong yu, nao yu kafsaedem trabol long mifala mo ol tok blong strong promes we oli raetem long Loa blong Moses, man blong wok blong tru God,+ from we mifala i sin agensem Hem. 12 Hem i bin mekem ol tok blong hem i kamtru. Hemia ol tok we hem i talem agensem mifala+ mo ol rula blong mifala we oli rul long mifala,* taem i mekem bigfala trabol i kasem mifala. Long fulwol ya, i no gat wan trabol olsem, we i sem mak long hemia we i bin hapen long Jerusalem.+