• Aesea 29:14
    Baebol Long Niu Wol Translesen

    • 14 From samting ya, Mi nao bambae mi mekem ol gudgudfala samting bakegen long olgeta,+

      Bambae mi mekem oli sapraes long wan samting afta narawan.

      Mo bambae mi mekem ol waes man blong olgeta, oli lusum waes blong olgeta,

      Mo ol man blong olgeta we oli waes gud, save blong olgeta bambae i lus.”+

  • Matiu 13:15
    Baebol Long Niu Wol Translesen

    • 15 Hat blong ol man ya i kam strong finis. Oli harem be oli no mekem wan samting. Oli satem ae blong olgeta, mo oli blokem sora blong olgeta, blong oli no lukluk mo oli no harem. Taswe, long hat blong olgeta, oli no haremsave se oli mas mekem sam samting blong kambak long mi, blong mi hilim olgeta.’+

  • Luk 10:21
    Baebol Long Niu Wol Translesen

    • 21 Nao stret long taem ya, tabu spirit i mekem hem i glad bitim mak, nao hem i talem se: “Papa, yu yu Masta blong heven mo wol. Mi mi leftemap yu long fes blong ol man, from we yu yu haedem gud ol samting ya long ol man we oli waes mo oli skul gud,+ be yu soemaot olgeta long ol man we oli olsem ol smol pikinini nomo. Yes, O Papa, from we hemia samting we yu yu glad long hem.+

  • 1 Korin 1:27
    Baebol Long Niu Wol Translesen

    • 27 Be God i jusum olgeta we ol man blong wol oli ting se oli krangke, blong mekem ol waes man oli sem. Mo God i jusum olgeta we ol man blong wol oli ting se oli no gat paoa, blong mekem ol man we oli gat paoa oli sem.+