6 Nao evri yia, long lafet blong Pasova, hem i stap letem wan prisena we ol man oli jusum, i go fri.+ 7 Long taem ya, sam man oli stap long kalabus from we oli bin kilim sam man i ded long taem we oli agens long gavman. Wan long olgeta ya, nem blong hem Barabas. 8 Nao ol hip man oli kam, mo oli stat blong askem samting we oli wantem long Paelat, olsem we oli stap mekem evri yia. 9 Nao hem i talem long olgeta se: “?Yufala i wantem se mi letem King ya blong ol man Jiu i go fri?”+ 10 Paelat i save finis we ol jif pris oli putum Jisas long han blong hem from jalus nomo.+

39 Mo folem kastom blong yufala, bambae mi letem wan man i go fri long taem blong Pasova.+ Taswe ?yufala i wantem se mi letem King blong ol man Jiu i go fri?”