26 “Mo afta long ol 62 wik ya, bambae oli katemaot*+ Mesaea, we hem i no moa gat wan samting i stap.+

“Mo ol man blong wan lida we i stap kam, bambae oli distroem taon ya mo holi ples.+ Mo bambae bigfala wota i mekem se hem i kasem en blong hem. Mo gogo kasem en bambae i gat wo. Desisen we oli mekem finis, hemia blong mekem ples i stap nating nomo.+

37 “!Jerusalem, Jerusalem! !Yu yu stap kilim ol profet oli ded mo yu stap stonem ol man we God i sanem olgeta oli kam long yu!+ !Plante taem mi wantem putum han i goraon long ol pikinini blong yu olsem we mama faol i pulum ol pikinini blong hem oli kam haed aninit long wing blong hem! Be yufala i no wantem.+ 38 !Yufala i luk! God i lego haos blong yufala finis i emti i stap.+

15 “Taswe taem yufala i luk rabis samting we i blong spolem ol ples, we profet ya Daniel i tokbaot, i kam stanap long holi ples,+ (man we i ridim tok ya i mas luksave), 16 ale olgeta we oli stap long Judia, i gud oli ronwe i go long ol bigfala hil.+