13 Long fes blong God ya we i stap mekem olgeta samting oli laef, mo long fes blong Kraes Jisas we i talemaot gud bilif blong hem long fes blong Ponjes Paelat,+ mi mi talem strong long yu se 14 yu mas mekem olgeta samting we God i talem long yu blong yu mekem, we laef blong yu i klin gud we i no gat poen long hem, gogo kasem taem we Masta blong yumi Jisas Kraes i soemaot hem.+ 15 Long stret taem blong hem, Rula We i Gat Paoa, mo we i stap glad, bambae i soemaot hem. Hem i King blong olgeta we oli king, mo i Masta blong olgeta we oli masta.+

4 Long fes blong God, mo long fes blong Kraes Jisas we bambae i jajem+ olgeta we oli laef mo olgeta we oli ded+ taem hem i soemaot hem,+ mo taem hem i kam long Kingdom blong hem, mi mi talem strong long yu se:+

8 Naoia Masta we i stap jajem ol man long fasin we i stret,+ hem i putumgud finis wan hat blong king se i blong mi. Hat ya i blong olgeta we oli stret man.+ Long dei ya, bambae hem i givim hat ya long mi olsem pei blong mi.+ Bambae hem i no givim long mi nomo, be long evri man we oli laekem tumas blong hem i soemaot hem.