15 Taem i stap brok delaet, tufala enjel ya i hariap long Lot, se: “!Yu girap! Yu tekem waef blong yu wetem tufala gel blong yu we oli stap ya, sipos no, bambae yufala i lus taem taon ya i lus from sin blong hem.”+ 16 Be Lot i stap sloslo yet, ale Jehova i sore long hem,+ taswe i mekem tufala man ya i holem han blong hem mo blong waef blong hem, mo blong tufala gel blong hem, nao oli tekem olgeta oli go aotsaed long taon.+