Fas Buk Blong Kronikel

4 Ol boe blong Juda, i gat Peres,+ Hesron,+ Kami, Huru,+ mo Sobal.+ 2 Rehaea we i boe blong Sobal, i kam papa blong Jahat. Jahat i kam papa blong Ahumae mo Lahad. Olgeta ya oli stamba blong ol famle blong ol Jorataet.+ 3 Hemia ol boe blong papa* blong Etam:+ I gat Jisrehel, Isma, mo Idbas. Mo nem blong sista blong olgeta Hejelelponi. 4 Mo Penuel i papa blong Gedoro, mo Eja i papa blong Husa. Hemia nao ol boe blong Huru+ we i fasbon blong Efrata, mo i papa blong Betlehem.+ 5 Asuru+ we i papa blong Tekoa,+ hem i gat tu waef, hemia Helaha, mo Naraha. 6 Naraha i bonem Ahusam, Hefa, Temeni, mo Ahastari. Hemia nao ol boe blong Naraha. 7 Mo ol boe blong Helaha, i gat Jeret, Isa, mo Etnan. 8 Koj i kam papa blong Anub, Jobeba, mo ol famle blong Aharahel we i boe blong Harum.

9 Ol man oli tinghae moa long Jabes i bitim ol brata blong hem. Mo mama blong hem i givim nem ya Jabes* long hem, mo i se: “Mi mi harem nogud tumas taem mi bonem hem.” 10 Jabes i singaot i go long God blong Isrel, i se: “Prea blong mi se bambae yu blesem mi, yu givim bigfala graon long mi, mo yu letem han blong yu i stap wetem mi mo i protektem mi long ol trabol, blong oli no spolem mi.” Ale God i givim ol samting ya we hem i askem.

11 Kelub we i brata blong Suaha, hem i papa blong Mehiri, mo Mehiri i papa blong Eston. 12 Eston i kam papa blong Betrafa, Pasea, mo Tehinaha we i papa blong Ir-nahas. Olgeta ya oli ol man Rekaha. 13 Mo ol boe blong Kenas, i gat Otniel+ mo Seraea, mo boe* blong Otniel hemia Hatat. 14 Meonotae i kam papa blong Ofraha. Seraea i kam papa blong Joab we i papa blong ol man Geharasim,* oli tekem nem ya from we oli gat gudhan blong wokem ol samting.

15 Ol boe blong Keleb+ we i boe blong Jefune, i gat Iru, Elaha, mo Na-am. Mo boe* blong Elaha hemia Kenas. 16 Ol boe blong Jehalelel, i gat Sif, Sifaha, Tiria, mo Asarehel. 17 Ol boe blong Esraha, i gat Jeta, Mered, Efa, mo Jalon. Woman* ya i gat bel mo i bonem Meriam, Samae, mo Isba we i papa blong Estemoa. 18 (Mo waef blong hem we i wan woman Jiu, i bonem Jered we i papa blong Gedoro, Heba we i papa blong Soko, mo Jekutiel we i papa blong Sanoa.) Olgeta ya oli ol boe blong Bitia, gel blong Fero we Mered i maredem.

19 Sista blong Naham, hem i waef blong Hodia mo hem i gat ol boe blong hem, hemia ol papa blong Kehila blong Garamaet, mo Estemoa blong Mahaka. 20 Mo ol boe blong Simon, i gat Amnon, Rinaha, Benhanan, mo Tilon. Mo ol boe blong Isae, i gat Sohet mo Bensohet.

21 Ol boe blong Sela+ ya we i boe blong Juda, i gat Ere we i papa blong Leka, Lahada we i papa blong Maresa, ol famle long haos blong Asbea, we oli man blong wokem ol gudfala kaliko, 22 mo Jokim, ol man Koseba, Joas, mo Saraf, we oli maredem ol woman Moab, mo Jasubilehem. Ol stori ya oli raetemdaon bifo olgeta.* 23 Olgeta oli man blong wokem graonpot mo oli stap long Netaem mo Gederaha. Oli stap long ples ya mo oli wok blong king.

24 Ol boe blong Simeon,+ i gat Nemuel, Jamin, Jarib, Jeraha, mo Saol.+ 25 Salum i boe blong Saol, Mibsam i boe blong Salum, mo Mismaha i boe blong Mibsam. 26 Mo ol boe blong Mismaha, i gat Hamuel we i boe blong hem, Sakuru we i boe blong Hamuel, mo Simei we i boe blong Sakuru. 27 Mo Simei i gat 16 boe mo 6 gel. Be ol brata blong hem oli no gat plante boe, mo i no gat wan long ol famle blong olgeta we i gat plante boe olsem ol man long laen blong Juda.+ 28 Olgeta ya oli stap long Bereseba,+ Molada,+ Hajasual,+ 29 Bilhaha, Ejem,+ Tolad, 30 Betuel,+ Homa,+ Jiklag,+ 31 Betmakabot, Hajasusim,+ Betbiri, mo Saharaem. Hemia nao ol taon blong olgeta, kam kasem taem ya we Deved i rul.

32 Vilej blong olgeta, hemia Etam, Aen, Rimon, Token, mo Asan,+ hemia faef taon, 33 wetem ol vilej we oli stap raonabaot long ol taon ya, go kasem taon ya Bal. Hemia nao ol nem we oli raetemdaon long lis blong ol famle laen blong olgeta, mo ol ples we oli stap long hem. 34 Hemia nem blong olgeta we oli hed blong famle: I gat Mesobab, Jamlek, Josa we i boe blong Amajia, 35 Joel, Jehu ya we i boe blong Josibia. Josibia ya i boe blong Seraea, mo i smol bubu blong Ajiel, 36 mo i gat Elioenae, Jahakoba, Jesohaea, Asaea, Adiel, Jesimiel, Benaea, 37 mo Jija ya we i boe blong Sifi. Sifi ya, hem i boe blong Alon, mo Alon i boe blong Jedaea, mo Jedaea i boe blong Jimri, mo Jimri i boe blong Semaea. 38 Olgeta ya we nem blong olgeta i stap, oli ol jif blong ol famle blong olgeta, mo olgeta long haos blong ol olfala blong olgeta, oli stap kam plante moa. 39 Olgeta oli go long get blong Gedoro long is blong vali, blong lukaot ples we i gat gras, blong ol sipsip blong olgeta oli save kakae. 40 Nao oli faenem wan gudfala ples we i gat plante gudfala gras long hem. Mo kantri ya i bigwan, i sef, mo i kwaet. Bifo, olgeta we oli kamaot biaen long Ham oli stap long ples ya.+ 41 Long taem blong King Hesekia+ blong Juda, ol man ya we nem blong olgeta i stap long lis, oli go spolem ol tent blong ol man we oli kamaot biaen long Ham mo ol man Mehunim we oli stap long ples ya. Oli spolemgud olgeta, nao i no gat wan long olgeta i stap kam kasem tede. Ale oli mekem hom blong olgeta long ples ya, from we i gat fulap kakae blong ol sipsip long hem.

42 I gat samwe 500 man long laen blong Simeon oli go long Hil Ya Seiri,+ wetem Pelatia, Nearia, Refaea, mo Usiel. Olgeta fo ya oli lidim olgeta mo papa blong olgeta Isae. 43 Mo oli kilim i ded ol laen blong Amalek+ we oli bin ronwe i kam stap long ples ya, mo biaen oli stap long ples ya kam kasem tede.