Ol Sam

?Hu i save mekem mi mi fraet?+

Jehova i olsem strong ples we i protektem laef blong mi.+

 2 Taem ol rabis man oli kam atakem mi blong kilim mi,+

Be ol man we oli agensem mi mo ol enemi blong mi nao oli stambol mo foldaon.

 3 Nating se wan grup blong ami i kam putum kamp blong hem blong agensem mi,

Bambae hat blong mi i no seksek.+

Nating se ol man oli mekem faet long mi,

Be long taem ya tu, bambae tingting blong mi i strong yet.

 4 Mi mi bin askem wan samting long Jehova,

Samting ya nao bambae mi lukaotem,

Blong mi save stap long haos blong Jehova long olgeta dei long laef blong mi,+

Nao mi save luklukgud ol gudfala fasin blong Jehova

Mo mi save luk tempol* blong hem, we mi glad tumas from.*+

 5 From we bambae hem i haedem mi long selta blong hem long dei blong trabol,+

Bambae hem i haedem mi long tent blong hem, long wan ples we man i no save.+

Bambae mi bonem sakrefaes long tent blong hem, we mi glad tumas mi stap singsingaot from,

Bambae mi singim ol sing blong presem* Jehova.

 8 Hat blong mi i toktok long bihaf blong yu, i se:

“Yu mas traehad blong faenem fes blong mi.”

Yes Jehova, bambae mi traehad blong faenem fes blong yu.+

10 Nating sipos papa mo mama blong mi i lego mi,+

Jehova bambae i tekem mi, i lukaot long mi.+

11 O Jehova, yu tijim mi long ol fasin blong yu,+

Yu lidim mi long rod blong stret fasin, from we mi gat plante enemi.

12 Yu no letem mi mi go long han blong ol man we oli agensem mi,*+

From i gat ol giaman witnes we oli girap agensem mi,+

Mo oli stap mekem sam nogud samting blong mekem mi mi fraet.

13 ?Bambae mi stap wea naoia, sipos mi no bilif

Se mi save luk ol gudfala fasin blong Jehova taem mi laef yet?*+