Ol Sam

Wan Singsing Blong Go Antap.

128 Evri man we oli fraet* long Jehova, oli glad,+

Olgeta oli stap wokbaot folem ol rod blong Hem.+

2 Bambae yu kakae ol kakae we han blong yu i wok had from.

Bambae yu hapi mo yu harem gud from we yu win long laef.+

3 Waef blong yu bambae i olsem wan rop blong grep insaed long haos blong yu, we i stap karem plante frut,+

Ol boe blong yu bambae oli olsem ol niufala sut blong oliftri raon long tebol blong yu.

4 !Yu luk! Hemia nao olsem wanem man we i fraet* long Jehova

Bambae i kasem blesing.+

5 Jehova bambae i stap long Saeon, i blesem yu.

I gud we long ful laef blong yu, yu luk we Jerusalem i stap gohed gud,+

6 Mo yu luk ol pikinini blong ol pikinini blong yu.

I gud i gat pis long Isrel.