Esikel

23 Nao tok blong Jehova i kamtru bakegen long mi, i se: 2 “Pikinini blong man, i gat tu woman we tufala i gel blong wan mama nomo.+ 3 Tufala i kam ol prostitut long Ijip.+ Tufala i yangfala nomo taem tufala i kam prostitut. Long ples ya nao, oli skwisim titi blong tufala, mo oli holholem titi blong tufala we man i neva tajem bifo. 4 Fasbon nem blong hem Ohola,* mo sista blong hem Oholiba.* Tufala i kam waef blong mi, mo tufala i bonem ol boe mo ol gel. Long saed blong nem blong tufala, Ohola i Sameria,+ mo Oholiba i Jerusalem.

5 “Taem Ohola i waef blong mi, hem i stat blong kam prostitut.+ Hem i stap wantem tumas ol man we oli slip wetem hem,+ hemia ol man Asiria we oli neba blong hem.+ 6 Olgeta oli ol hed gavman we oli werem klos we i blu, mo ol deputi rula. Olgeta evriwan ya oli ol yang man we oli naes we oli naes mo oli man blong ron long hos. 7 Hem i gohed blong mekem prostitut wetem ol naesfala boe blong Asiria, mo hem i mekem hem i kam doti+ long ol aedol blong ol man ya we hem i wantem olgeta tumas, hemia ol aedol we oli nogud we oli nogud.* 8 Hem i no lego wok ya blong prostitut we hem i lanem long Ijip, from we taem hem i yangfala nomo, olgeta oli slip wetem hem mo oli holholem ol titi blong hem we man i neva tajem bifo, mo oli wantem hem tumas nao oli slip* wetem hem.+ 9 From samting ya, mi mi putum hem long han blong ol man ya we oli slip wetem hem, hemia ol boe blong Asiria,+ olgeta ya we hem i wantem olgeta tumas. 10 Oli mekem hem i neked nomo i stap,+ mo oli holemtaet ol boe mo ol gel blong hem,+ mo oli kilim hem i ded long naef blong faet. Hem i kam wan popiula woman long medel blong ol narafala woman from ol rabis fasin blong hem, mo oli mekem jajmen blong hem i kamtru.

11 “Taem sista blong hem Oholiba i luk samting ya, fasin blong hem blong wantem tumas blong slip wetem ol man i kam moa nogud, mo wok blong hem olsem prostitut i mowas i bitim blong sista blong hem.+ 12 Hem i wantem tumas blong slip wetem ol neba blong hem we oli ol boe blong Asiria,+ hemia ol hed gavman mo ol deputi rula we oli werem ol flas klos mo oli man blong ron long hos. Olgeta evriwan ya oli ol yang man we oli naes we oli naes. 13 Taem hem i mekem hem i kam doti, mi luk olsem se tufala tugeta i folem sem rod nomo.+ 14 Be hem i gohed blong mekem wok blong hem olsem prostitut i kam antap moa. Hem i luk pija blong ol man Koldia we oli katem long wol mo oli pentem long red kala,* 15 mo strap i goraon long weist blong olgeta, oli fasem kaliko i goraon long hed blong olgeta, mo olgeta oli luk olsem ol strong man blong faet, olgeta evriwan long pija ya oli ol man Babilon we oli bon long kantri blong ol man Koldia. 16 Taem hem i luk olgeta ya, hem i wantem tumas blong slip wetem olgeta, ale hem i sanem ol mesenja oli go luk olgeta long Koldia.+ 17 Nao ol boe blong Babilon oli gohed blong kam long bed blong hem blong mekem seks wetem hem, mo oli mekem hem i kam doti long fasin ya we oli wantem hem tumas mo oli slip* wetem hem. Mo afta we olgeta oli mekem hem i kam doti, hem* i tanem baksaed long olgeta mo i no laekem olgeta nating.

18 “Taem hem i no sem nating blong mekem wok blong prostitut mo i stap soemaot bodi blong hem we i neked nomo,+ mi mi* tanem baksaed long hem mo mi no laekem hem nating, stret olsem we mi bin tanem baksaed long sista blong hem mo mi no laekem hem nating.+ 19 Mo hem i gohed blong mekem wok blong hem olsem prostitut i kam antap moa,+ mo i stap tingbaot taem ya we hem i yangfala mo i stap mekem fasin blong prostitut long kantri ya Ijip.+ 20 Hem i stap wantem olgeta tumas, olsem ol narafala woman blong ol man we tabu pat blong olgeta i olsem blong wan dongki, mo we seks blong olgeta i olsem blong wan hos. 21 Yu yu stap wantem tumas ol doti fasin we yu stap mekem long Ijip+ taem yu yangfala, taem oli stap holholem titi blong yu, hemia titi blong yangtaem blong yu.+

22 “Taswe Oholiba, hemia samting we Hae Masta Jehova i talem: ‘Naoia mi stap pulum ol man ya we oli slip wetem yu,+ hemia olgeta we yu* tanem baksaed long olgeta mo yu no laekem olgeta nating, mo bambae mi mi mekem oli kam agensem yu long evri saed.+ 23 Olgeta ya oli ol boe blong Babilon,+ mo olgeta man Koldia,+ ol man Pekod,+ ol man Soa, ol man Koa, wetem olgeta boe blong Asiria. Olgeta evriwan ya oli ol yang man we oli naes we oli naes, sam oli ol hed gavman, sam oli deputi rula, sam oli man blong faet, mo sam oli jusum olgeta.* Olgeta evriwan oli man blong ron long hos. 24 Bambae olgeta oli atakem yu wetem ol jariot blong faet blong olgeta we oli gat ol wil blong olgeta mo oli mekem bigfala noes, mo wetem wan bigfala asembli blong ol soldia we oli karem ol bigfala sil mo ol smol sil,* mo oli werem ol hat blong faet. Bambae olgeta oli stanap raon long yu, mo bambae mi givim raet long olgeta blong oli jajem yu, nao bambae oli jajem yu long fasin we oli luk se i stret.+ 25 Bambae mi mi mekem kros blong mi i kam agensem yu, mo bambae olgeta oli kros long yu nao oli spolemgud yu. Bambae oli katemaot nus blong yu mo sora blong yu, mo olgeta we oli laef yet bambae oli ded long naef blong faet. Bambae oli tekem ol boe mo ol gel blong yu i go, mo olgeta we oli stap long medel blong yu we oli laef yet, bambae oli bon long faea.+ 26 Bambae oli teremaot ol klos blong yu+ mo oli holemtaet ol naesfala samting blong yu.*+ 27 Mi bambae mi stopem ol doti fasin blong yu mo wok blong yu olsem prostitut,+ we i stat long kantri ya Ijip.+ Bambae yu yu stop blong lukluk olgeta mo bambae yu no moa tingbaot Ijip.’

28 “Hemia samting we Hae Masta Jehova i talem: ‘Naoia mi mi rere blong putum yu long han blong olgeta we yu no laekem olgeta nating, hemia olgeta we yu* tanem baksaed long olgeta from yu no laekem olgeta nating.+ 29 Bambae olgeta oli tritim yu long fasin ya we oli no laekem yu nating, mo bambae oli tekemaot olgeta samting we yu hadwok blong kasem,+ mo oli livim yu yu neked nomo i stap long klia ples. Nao ol man bambae oli luk we yu neked nomo i stap mo ol doti fasin blong yu, mo wok blong yu blong mekem prostitut bambae i kamaot long klia ples nomo.+ 30 Ol samting ya bambae oli kasem yu from we yu stap ron biaen long ol nesen olsem wan prostitut,+ mo from we yu mekem yu kam doti long ol aedol blong olgeta we oli nogud we oli nogud.+ 31 Yu yu stap folem sem rod we sista blong yu i bin folem,+ mo bambae mi mi putum kap blong hem long han blong yu.’+

“Mi nao mi talemaot tok ya,” hemia nao samting we Hae Masta Jehova i talem.’

35 “Taswe, hemia samting we Hae Masta Jehova i talem: ‘From we yu yu fogetem mi mo yu tanem baksaed fulwan long mi,*+ bambae yu yu kasem ol nogud frut we i kamaot from ol doti fasin blong yu, mo from wok blong yu olsem prostitut.’”

36 Nao Jehova i talem long mi se: “Pikinini blong man, ?bambae yu talemaot jajmen blong Ohola mo Oholiba+ mo tok long tufala from ol nogud fasin blong tufala? 37 Tufala i mekem adaltri,*+ mo i gat blad long han blong tufala. Tufala i mekem adaltri wetem ol aedol blong tufala we oli nogud we oli nogud, be i no hemia nomo, tufala i tekem ol boe blong mi tu we tufala i bonem, mo tufala i mekem oli pastru long faea blong oli kam kakae blong ol aedol blong tufala.+ 38 Mo tu, hemia samting we oli mekem long mi: Long dei ya, oli mekem tabu ples ya blong mi i kam doti, mo oli mekem ol sabat blong mi oli no moa tabu. 39 Afta we tufala i kilim ol boe blong tufala blong mekem sakrefaes i go long ol aedol blong olgeta we oli nogud we oli nogud,+ long sem dei ya, tufala i kam long tabu ples blong mi mo oli mekem ples ya i no moa tabu.+ Hemia nao samting we tufala i mekem insaed long prapa haos blong mi. 40 Mo tu, tufala i sanem wan mesenja blong i go singaot ol man we oli stap longwe.+ Mo taem ol man ya oli stap kam, yu yu go wasem yu mo yu pentem ol ae blong yu mo yu flasem yu wetem ol samting blong flasem yu.+ 41 Nao yu sidaon long wan longfala jea we i naes we i naes,+ mo wan tebol i stap long fored blong hem,+ we antap long hem, yu yu putum insens blong mi+ mo oel blong mi.+ 42 Nao long ples ya, oli harem noes blong wan hip blong ol man, hemia ol man we oli no wari nating long wan samting, mo long medel blong olgeta i gat ol man we oli drong, we oli tekemaot olgeta long draeples. Olgeta ya oli putum ol braslet long han blong tufala woman ya, mo oli putum ol naesfala hat blong kwin long hed blong tufala.

43 “Nao mi mi toktok long saed blong woman ya we adaltri i mekem hem i kam slak, mi se: ‘Naoia bambae hem i gohed blong mekem wok blong hem olsem prostitut.’ 44 Ale olgeta oli gohed blong go luk hem insaed, stret olsem we wan man i go luk wan prostitut. Hemia nao samting we oli mekem taem oli go luk Ohola mo Oholiba, tufala woman blong mekem ol doti fasin. 45 Be ol stret man bambae oli jajem hem long stret jajmen blong olgeta we oli mekem adaltri+ mo oli mekem blad i ron.+ Hemia from we oli woman blong mekem adaltri, mo oli gat blad long han blong olgeta.+

46 “Hemia samting we Hae Masta Jehova i talem: ‘Bambae oli karem wan ami i kam agensem tufala blong mekem tufala i kam wan samting blong fraet, mo wan samting blong man i stilim.+ 47 Ami ya bambae i stonem tufala long ol ston,+ mo katemdaon tufala long naef blong faet blong olgeta. Mo bambae oli kilim ol boe mo ol gel blong tufala,+ mo bonem ol haos blong olgeta long faea.+ 48 Mi bambae mi stopem ol doti fasin long kantri ya, nao olgeta woman bambae oli lanem wan lesen mo oli no kopi long ol doti fasin ya blong yu.+ 49 Olgeta ya bambae oli mekem se yufala i kasem ol nogud frut we oli kamaot from ol doti fasin blong yufala mo from ol sin we yufala i mekem wetem ol aedol blong yufala we oli nogud we oli nogud. Nao bambae yufala i mas save se mi nao mi Hae Masta Jehova.’”+