Malakae

4 “!Yu luk! Dei ya i stap kam we i hot olsem oven+ mo long taem ya olgeta evriwan we oli stap mekem samting we oli no gat raet blong mekem, mo olgeta evriwan we oli stap mekem ol rabis fasin, bambae oli kam olsem stik blong wit. Dei ya we i stap kam bambae i mas bonem olgeta evriwan,” hemia nao tok blong Jehova komanda blong ol ami, “mo bambae i no livim wan rus no branj blong olgeta i stap. 2 Be yufala we i ona* long nem blong mi, san blong stret fasin bambae i saen long yufala, we laet* blong hem i save hilim man, mo bambae yufala i stap jamjam olbaot olsem ol smol buluk we oli fatfat gud.”

3 “Mo bambae yufala i wokbaot antap long ol man nogud, from long dei we bambae mi tekem aksen, bambae oli kam olsem das aninit long leg blong yufala,” hemia nao tok blong Jehova komanda blong ol ami.

4 “Yufala i mas tingbaot Loa blong man blong wok blong mi Moses, hemia ol rul mo ol desisen we mi talem long ples ya Horeb, blong olgeta man Isrel oli obei long hem.+

5 “!Yu luk! Bambae mi sanem profet ya Elaejah i kam long yufala fastaem,+ bifo bigfala dei blong Jehova i kam, we i mekem man i fraet tumas.+ 6 Mo bambae hem i mekem hat blong ol papa i kam olsem blong ol smol boe+ mo hat blong ol smol boe i kam olsem blong ol papa,* olsem nao bambae mi no save kam mo spolem wol ya, we mi distroem olgeta.”

(Hemia en blong translesen blong Hibru-Arameik Haf Blong Baebol, afta long hem, hemia Kristin Grik Haf Blong Baebol)