Ol Sam

1 Man we i no folem advaes blong ol man nogud,

Mo i no wokbaot long rod blong ol man blong mekem sin+

Mo i no joen wetem ol man blong tok jik,+ hem i glad.

 2 Man olsem, hem i glad long loa blong Jehova,+

Mo hem i stap ridim loa blong Hem long smol voes,* long dei mo long naet.+

 3 Bambae hem i olsem wan tri we oli planem long saed blong wota we i stap ron,

Wan tri we i stap karem frut long stret taem blong hem,

Mo ol lif blong hem oli no save slak.

 4 Ol man nogud oli no olsem.

Olgeta oli olsem skin blong wit we win i blu long hem i go.

 5 From samting ya, bambae i no gat wan man nogud i stanap i stap long taem blong jajmen.+

Mo bambae i no gat wan man blong mekem sin,

i stanap i stap long medel blong asembli blong ol stret man.+

 6 From we Jehova i save gud rod blong ol stret man,+

Be rod blong ol man nogud bambae i lus.+