Wan Dei Blong Tingbaot

LONG naet bifo we Jisas i ded, hem i pasem wan bred we i no gat is mo wan kap blong red waen i go long ol aposol blong hem. Nao hem i talem long olgeta se oli mas kakae bred ya mo dring long waen ya. Mo tu hem i talem long olgeta se: “Yufala i mas stap mekem samting ya blong tingbaot mi bakegen.”​—Luk 22:19.

Long yia ya, dei blong lafet ya i foldaon stret long Sande, Eprel 4, afta we san i godaon. Long olgeta ples long wol, ol Witnes blong Jeova bambae oli joen wanples long spesel naet ya, blong mekem Memoriol ya, olsem Jisas i bin talem. Yufala i welkam blong joen wetem olgeta. Plis askem long ol Witnes blong Jeova long ples blong yu blong save stret taem mo stret ples blong spesel miting ya.