Ol Samting Blong Tingbaot Long Saed Blong Memoriol

Long yia ya, bambae yumi mekem Memoriol long Sarede, Epril 11. Ol elda oli mas tingbaot ol samting ya:

◼ Jekem taem blong Memoriol, blong mekem sua se bambae yufala i pasem bred mo waen i goraon afta we san i godaon.

◼ Evriwan, wetem brata we i givim tok tu, oli mas savegud stret taem mo ples blong Memoriol.

◼ Mekemrere bred we i stret mo pem stret waen.​—Lukluk Wajtaoa (Engglis) Febuwari 15, 1985, pej 19.

◼ Karem ol plet, glas, wan gudfala tebel mo kaliko blong hem, oli kam long Haos Kingdom, mo mekemrere olgeta bifo long taem blong ­miting.

◼ Klinimgud Haos Kingdom no haos miting bifo long Memoriol.

◼ Jusum ol man blong welkam mo ol man blong pasem bred mo waen i goraon, mo eksplenemgud wok blong olgeta samtaem bifo long Memoriol.

◼ Mekem plan blong karem bred mo waen i go long ol brata mo sista we tabu speret i makemaot olgeta, we oli sik mo oli no save kam long Memoriol.

◼ Sipos i gat bitim wan kongregesen we i yusum Haos Kingdom, ol kongregesen ya oli mas folem gudfala plan, mekem se ol man oli no fasfas long ol doa, vranda, rod blong kam insaed, mo ples blong putum ol trak.