Olgeta we bambae oli laef tru long ol las dei, bambae oli laef long paradaes long wol
?Baebol I Talem Wanem?
?I tru se yumi stap long ‘ol las dei’?
?Yu ting se . . .
yes?
no?
maet?
Samting we Baebol i talem
‘Long ol las dei, laef long wol ya bambae i kam strong tumas.’ (2 Timoti 3:1) Ol profet tok blong Baebol mo ol samting we oli stap hapen tede, oli soemaot se yumi stap long ‘ol las dei.’
Narafala samting we yumi lanem long Baebol
Ol faet, kakae i sot, etkwek, mo ol strong sik oli soemaot se yumi stap long ol las dei. —Matiu 24:3, 7; Luk 21:11.
Long taem blong ol las dei, fasin blong ol man bambae i kam nogud olgeta, mo bambae oli no moa wantem God long laef blong olgeta.—2 Timoti 3:2-5.
?Wanem fiuja blong ol man?
Sam man oli ting se . . .
taem wol ya wetem evriman we oli stap long hem, oli lus olgeta, hemia nao en blong ol las dei. Be sam narafala oli ting se laef long wol ya bambae i kam moagud. ?Wanem tingting blong yu?
Samting we Baebol i talem
“Ol stret man ya bambae oli tekem graon ya i blong olgeta, mo bambae oli stap long hem gogo i no save finis.”—Ol Sam 37:29.
Narafala samting we yumi lanem long Baebol
Ol las dei bambae i finis taem ol nogud man oli lus.—1 Jon 2:17.
Wol ya bambae i kam wan paradaes. —Aesea 35:1, 6.