Kuan-kuanen
18 Kalak si nerapken bana, ngayaki sura-surana si mentingken bana,
La ia nggit ngaloken kepentaren kai pe.
2 Kalak si bodoh la atena ngena pengertin,
Tapi isi pusuhna saja ngenca atena katakenna.+
3 Adi reh kalak jahat, pasti lit si mela,
Adi lit perbahanen si pemela-melaken, pasti lit si terhina.+
4 Ranan sekalak jelma bali bagi laut si mbages,+
Sumber kepentaren e bali bagi lau si maler.
7 Ranan kalak bodoh erban dirina hancur,+
Janah rananna jadi siding man kesahna.
9 Kalak si kisat ndahiken dahinna,
Eme teman kalak si nggit ncedai.+
10 Gelar Jahwe eme kap menara si paguh.+
Ku je me kiam kalak si bujur janah ndatken perlindungen.+
11 Erta kalak bayak bali bagi kota si erbenteng man bana,
Ertana e bali bagi tembok perlindungen bas bayangenna.+
14 Sanga sakit sekalak jelma, semangatna banci erban ia megegeh,+
Tapi ise si ngasup maba babanna adi bene semangatna?+
15 Pusuh kalak si erpengangka, erusaha ndatken pemeteh,+
Janah cuping kalak si pentar, erusaha ndarami pemeteh.
16 Hadiah mbuka dalan man kalak si merekenca,+
Hadiah e pagi si mabai ia jumpa ras penguasa.
17 Kalak si tangtangna ngerana kerna perkarana bas pengadilen tempa-tempa benar,+
Seh ngasa reh kalak si deban janah pereksana ia.+
18 Alu erban undi, dung me perubaten+
Janah banci ka ndungi perjengilen kalak si megegeh.
19 Nukahen naluken kota si erbenteng asangken muat ukur teman si sakit hati,+
Lit perubaten si mesera ndungisa bali bagi mbuka gerbang si paguh palangna.+
20 Ranan manusia bali bagi pangan si erban beltekna besur,+
Janah gejapkenna pagi hasil arah kai si katakenna.
21 Dilah lit kuasana erban kalak nggeluh ntah pe mate,+
Ise pe si pet ngerana, alokenna pagi akibatna.+
23 Kalak mesera mindo alu meteruk ukur,
Tapi kalak bayak kasar ia ngaloi.