20 Bage ka lakokenna man calung* e kenca kalak e man berngi, nina, “Calung enda ngertiken perjanjin si mbaru+ si isahken alu darehku,+ si iamburken pagi guna kepentingen kena.+

13 Adi dareh kambing, dareh lembu jantan,+ bage pe abu arah lembu si ipercikken ku kalak si najis saja pe banci erban kalak jadi bersih i lebe-lebe Dibata,+ 14 apai ka dareh Kristus.+ Arah kesah si badia si la ermasap-masap, persembahken Kristus dirina man Dibata jadi korban si la lit cacatna. Alu darehna, bersihkenna pusuh peratenta arah perbahanen si sia-sia nari,+ gelah banci silakoken pelayanen si badia man Dibata si nggeluh.+

18 Kena enggo ibebasken* arah kegeluhen si la erguna, si aloken kena arah nini bulang kena nari. Kena ibebasken labo alu barang si banci masap, bagi emas ntah pirak.+ 19 Tapi kena ibebasken alu dareh Kristus si merga,+ bagi dareh anak biri-biri si la lit cacatna ras bersih.+