Wahn Vizhan Weh Schrentn Yu Fayt

9:1-7

Joorin di vizhan, Jehoava anonks dat ih mi pleez wid Jeezas. Imajin how Jeezas mosi mi feel wen ih hyaa Jehoava seh dat wid ih oan vais! Fi shoar, dis mi gi Jeezas di schrent weh ih mi need fi fays aala di sofarin weh ih mi soon gwehn chroo. Dis vizhan mi afek Peeta, Jaymz, ahn Jan wahn lat tu. Ih mi help proov tu dehn dat Jeezas da di Mesaiya, ahn dehn mi karek wen dehn chooz fi lisn tu ahn. Bowt 32 yaaz layta, Peeta stil memba di vizhan ahn how ih mi bil ih kanfidens dat “weh di prafit dehn mi seh da chroo.”—2Peet 1:16-19.

Eevn doa wee neva geh fi si dis vizhan, wee di geh fi si how ih di kohn chroo eena fi wee taim. Jeezas di rool az wahn powaful King eena hevn rait now. Soon, hihn wahn ga vikchri ahn win owt oava aala ih enimi dehn ahn oapm di way fi wahn raichos nyoo werl.—Rev 6:2.

Wen yu si Baibl prafesi kohn chroo, how ih mek yu fayt geh schranga?