Salmo
Usa ka salmo ni Asap.
79 Oh Diyos, ang mga nasod midangat sa imong panulondon;+
Gihugawan nila ang imong balaang templo;+
Ang Jerusalem ilang gihimong tapok sa mga ginun-ob.+
2 Gihatag nila ang patayng lawas sa imong mga alagad ingon nga pagkaon sa kalanggaman sa kalangitan,+
Ang unod sa mga maunongon kanimo ngadto sa ihalas nga mga mananap sa yuta.+
4 Nahimo kami nga kaulawan sa among mga silingan,+
Nga yubitonon ug yagayagaan niadtong nag-alirong kanamo.+
5 Hangtod kanus-a ba, Oh Jehova, nga ikaw masuko? Hangtod sa kahangtoran?+
Hangtod kanus-a ba nga magdilaab ang imong kasuko sama sa kalayo?+
6 Ibubo ang imong kaaligutgot ibabaw sa mga nasod nga wala makaila kanimo,+
Ug ibabaw sa mga gingharian nga wala magtawag sa imong ngalan.+
8 Ayaw hinumdomi batok kanamo ang kasaypanan sa among mga katigulangan.+
Pagdali! Paatubanga kanamo ang imong mga kaluoy,+
Kay kami nahimong labihan ka timawa.+
9 Tabangi kami, Oh Diyos sa among kaluwasan,+
Tungod sa himaya sa imong ngalan;+
Ug luwasa kami ug taboni ang among mga sala tungod sa imong ngalan.+
10 Nganong magaingon man ang mga nasod: “Hain ba ang ilang Diyos?”+
Atubangan sa among mga mata ipahibalo taliwala sa mga nasod+
Nga panimaslan ang dugo sa imong mga alagad nga naula.+
11 Hinaot ang pagpanghupaw sa binilanggo modangat sa imong atubangan.+
Sumala sa pagkadako sa imong bukton tipiging buhi kadtong mga natudlo sa kamatayon.+