Jeremias
14 Kini ang mensahe nga nadawat ni Jeremias gikan kang Jehova bahin sa mga hulaw:+
2 Ang Juda nagbangotan,+ ug ang mga ganghaan niini nahanaw.
Sila naglubog sa yuta nga magul-anon,
Ug ang pagtuaw madungog gikan sa Jerusalem.
3 Ug ang ilang mga agalon nagpakalos ug tubig sa ilang mga sulugoon.
Sila nangadto sa mga gahong sa tubig* apan walay nakaplagang tubig.
Sila namalik nga walay sulod ang ilang mga sudlanan.
Sila naulaw ug nahigawad,
Ug gitabonan nila ang ilang ulo.
4 Kay ang yuta nangliki,
Sanglit walay ulan sa yuta,+
Ang mga mag-uuma nahigawad ug nagtabon sa ilang ulo.
5 Bisan ang bayeng osa sa kapatagan mibiya sa iyang bag-ong gipanganak nga nati,
Kay walay mga sagbot.
6 Ug ang mga ihalas nga asno nagbarog sa hawan nga kabungtoran.
Sila naghalhal samag mga irong ihalas;
Ang ilang mga mata mihalap kay walay katanoman.+
Kay daghan ang among mga buhat sa pagkadili-matinumanon,+
Ug batok kanimo nga kami nakasala.
8 Oh paglaom sa Israel, ang iyang Manluluwas+ panahon sa kasakit,
Nganong nahisama kag estranyo diha sa yuta,
Samag magpapanaw nga mihunong lang aron magpalabay sa kagabhion?
9 Nganong nahisama kag tawo nga nalibog,
Samag gamhanang tawo nga dili makaluwas?
Ayaw mig biyai.
10 Kini ang giingon ni Jehova bahin niini nga katawhan: “Ganahan silang maglaaglaag;+ wala nila pugngi ang ilang mga tiil.+ Busa si Jehova wala malipay kanila.+ Karon iyang hinumdoman ang ilang kasaypanan ug papanubagon sila sa ilang mga sala.”+
11 Unya si Jehova miingon kanako: “Ayawg iampo nga mamaayo ang dangatan niini nga katawhan.+ 12 Dihang magpuasa sila, dili ko mamati sa ilang mga pangaliyupo,+ ug dihang magtanyag silag mga tibuok halad nga sinunog ug mga halad nga lugas, dili ko malipay niana,+ kay pinaagi sa espada, gutom, ug kamatay,* pamatyon nako sila.”+
13 Busa miingon ko: “Oh Soberanong Ginoong Jehova! Ania, ang mga propeta nagaingon kanila, ‘Dili ninyo masinati ang gubat ug gutom, apan hatagan mo nakog tinuod nga kalinaw niining dapita.’”+
14 Dayon si Jehova miingon kanako: “Ang mga propeta nanagna ug kabakakan sa akong ngalan.+ Wala ko magpadala o magsugo o makigsulti kanila.+ Ang ilang gipanagna kaninyo maoy bakak nga panan-awon ug walay pulos nga pagpanag-an ug panglimbong sa ilang kaugalingong kasingkasing.+ 15 Busa kini ang giingon ni Jehova bahin sa mga propeta nga nanagna sa akong ngalan bisag wala nako sila gipadala, ug kinsa miingon nga walay gubat o gutom nga mahitabo niining yutaa: ‘Ang maong mga propeta mangamatay pinaagi sa espada ug gutom.+ 16 Ug ang katawhan nga ginasultihan nila sa ilang mga tagna mahimong mga sinalibay sa kadalanan sa Jerusalem tungod sa gutom ug espada, ug walay molubong nila+—sila, ang ilang mga asawa, o ang ilang mga anak nga lalaki o babaye—kay ibubo nako kanila ang katalagman nga angay kanila.’+
17 “Isulti gayod kining mga pulonga kanila,
‘Padaligdiga sa akong mga mata ang mga luha gabii ug adlaw, ug ayaw kinig pahunonga,+
Kay ang ulay* nga anak nga babaye sa akong katawhan nahugno pag-ayo ug nadugmok,+
Nga may grabe kaayong samad.
Ug kon moadto ko sa siyudad,
Makita nako ang nangasakit tungod sa gutom!+
Kay ang propeta ug ang saserdote milibot sa yuta nga wala nila mailhi.’”+
19 Bug-os ba nimong gisalikway ang Juda, o gikasilagan ba nimo ang Zion?+
Nganong imo man ming gihampak, maong wala nay pagkaayo alang kanamo?+
Dihay paglaom alang sa pakigdait, apan walay maayo nga miabot,
Alang sa panahon sa pagkaayo, apan dihay kalisang!+
20 Giila namo ang among pagkadaotan, Oh Jehova,
Ug ang kasaypanan sa among mga katigulangan,
Kay kami nakasala kanimo.+
Hinumdomi ug ayawg bungkaga ang imong pakigsaad kanamo.+
22 Duna bay bisan usa sa walay pulos nga mga idolo sa kanasoran ang makapaulan,
O makapaulan ba bisan ang kalangitan sa kaugalingong pagbuot niini?
Dili ba ikaw lang ang Usa nga makahimo niini, Oh Jehova nga among Diyos?+
Kami nagalaom kanimo,
Kay ikaw lang ang naghimo niining tanan.