113 Dayega si Jah!
Dayega siya, kamong mga alagad ni Jehova,
Dayega ang ngalan ni Jehova.
2 Madayeg unta ang ngalan ni Jehova
Sukad karon ug hangtod sa hangtod.+
3 Gikan sa pagsubang sa adlaw hangtod sa pagsalop niini,
Hinaot madayeg ang ngalan ni Jehova.+
4 Si Jehova hataas kaayo kay sa tanang kanasoran;+
Siya mas mahimayaon kay sa kalangitan.+
5 Kinsa ang sama kang Jehova nga atong Diyos,+
Ang usa nga nagpuyo sa kahitas-an?
6 Siya moyuko aron mosud-ong sa langit ug sa yuta.+
7 Bangonon niya ang timawa gikan sa abog.
Patindogon niya ang kabos gikan sa mga abo+
8 Aron palingkoron siya uban sa mga halangdon,
Uban sa mga halangdon sa iyang katawhan.
9 Hatagan niyag panimalay ang baog nga babaye
Ingong malipayong inahan nga may mga anak.+
Dayega si Jah!