Ngadto sa direktor; sa Gittith. Salmo ni Asap.+
81 Singgit mo sa kalipay ngadto sa Diyos nga atong kusog.+
Singgit mo sa kadaogan ngadto sa Diyos ni Jacob.
2 Sugdi ang musika ug kuhaa ang tamborin,
Ang mananoy nga alpa uban ang dekuwerdas nga instrumento.
3 Huypa ang budyong panahon sa bag-ong bulan,+
Sa takdol nga bulan, alang sa adlaw sa atong pista.+
4 Kay usa kini ka mando alang sa Israel,
Usa ka sugo sa Diyos ni Jacob.+
5 Iyang gihatag kini ingong pahinumdom alang kang Jose+
Dihang Siya migula batok sa yuta sa Ehipto.+
Nakadungog kog tingog nga wala nako mailhi:
6 “Gikuha nako ang palas-anon gikan sa iyang abaga;+
Ang iyang mga kamot wala na magkupot sa bukag.
7 Panahon sa imong kasakitan mitawag ka, ug giluwas ka nako;+
Gitubag ka nako gikan sa panganod nga nagdalag dalugdog.+
Gisulayan ka nako didto sa katubigan sa Meriba.+ (Selah)
8 Patalinghog akong katawhan, ug pasidan-an mo nako.
Oh Israel, kon mamati lang unta ka kanako.+
9 Sa imong taliwala, dili ka magbaton ug estranyong diyos,
Ug dili ka moyukbo sa langyawng diyos.+
10 Ako, si Jehova, ang imong Diyos,
Ang usa nga nagpagawas kanimo gikan sa yuta sa Ehipto.+
Ngangaha pag-ayo ang imong baba, ug pun-on nako kini.+
11 Apan ang akong katawhan wala mamati sa akong tingog;
Ang Israel dili mapinasakopon kanako.+
12 Busa gipasagdan nako nga sundon nila ang ilang tig-a nga kasingkasing;
Gihimo nila kon unsay gihunahuna nilang husto.+
13 Kon mamati lang unta kanako ang akong katawhan,+
Kon maglakaw lang unta ang Israel sa akong mga dalan!+
14 Ang ilang mga kaaway buntogon dayon nako;
Bakyawon nako ang akong kamot batok sa ilang mga kontra.+
15 Kadtong mga nagdumot kang Jehova mangurog sa kahadlok sa iyang atubangan,
Ug ang ilang dangatan maoy hangtod sa hangtod.
16 Apan ikaw iyang pakan-on sa kinamaayohang trigo+
Ug tagbawon ka niya sa dugos nga gikan sa bato.”+