Josue
12 Kini ang mga hari sa yuta nga gipildi sa mga Israelinhon, kansang yuta ilang gipanag-iya sa sidlakan sa Jordan, gikan sa Walog* sa Arnon+ hangtod sa Bukid sa Hermon+ ug sa tibuok sidlakang bahin sa Araba:+ 2 si Haring Sihon+ sa mga Amorihanon nga nagpuyo sa Hesbon. Nagmando siya gikan sa Aroer,+ nga naa sa tampi sa Walog* sa Arnon,+ ug gikan sa tunga sa walog, ug sa katunga sa Gilead hangtod sa Walog* sa Jabok, ang utlanan sa mga Ammonhanon. 3 Sakop sab niya ang sidlakang bahin sa Araba gikan sa Dagat sa Kineret*+ sa sidlakan hangtod sa Dagat sa Araba, ang Dagat sa Asin,* padulong sa Bet-jesimot sa sidlakan, ug paingon sa mga bakilid sa Pisga+ sa habagatan.
4 Ang lain pa mao si Haring Og+ sa Basan, nga usa sa kataposang nahibilin sa mga Repaim+ ug nagpuyo sa Astarot ug Edrei. 5 Nagmando siya sa Bukid sa Hermon, sa Saleca, ug sa tibuok Basan,+ hangtod sa utlanan sa mga Gesurihanon ug mga Maacatnon,+ ug sa katunga sa Gilead, hangtod sa utlanan sa teritoryo ni Haring Sihon sa Hesbon.+
6 Gipildi sila ni Moises nga alagad ni Jehova ug sa mga Israelinhon.+ Ang ilang yuta gihatag ni Moises nga alagad ni Jehova ngadto sa mga Rubenhon, mga Gadhanon, ug sa katunga sa tribo ni Manases aron panag-iyahon.+
7 Kini ang mga hari sa yuta nga gipildi ni Josue ug sa mga Israelinhon sa kasadpan sa Jordan, gikan sa Baal-gad+ sa Walog sa Lebanon+ hangtod sa Bukid sa Halak,+ nga paingon sa Seir,+ ug unya ang ilang yuta gihatag ni Josue sa mga tribo sa Israel sumala sa ilang bahin,+ 8 sa kabukiran, sa Sepela, sa Araba, sa mga bakilid, sa kamingawan, ug sa Negeb+—ang yuta sa mga Hitihanon, mga Amorihanon,+ mga Canaanhon, mga Perizihanon, mga Hivihanon, ug mga Jebusihanon:+
9 Ang hari sa Jerico,+ usa; ang hari sa Ai,+ nga tapad sa Bethel, usa;
10 ang hari sa Jerusalem, usa; ang hari sa Hebron,+ usa;
11 ang hari sa Jarmut, usa; ang hari sa Lakis, usa;
12 ang hari sa Eglon, usa; ang hari sa Gezer,+ usa;
13 ang hari sa Debir,+ usa; ang hari sa Geder, usa;
14 ang hari sa Horma, usa; ang hari sa Arad, usa;
15 ang hari sa Libna,+ usa; ang hari sa Adulam, usa;
16 ang hari sa Makeda,+ usa; ang hari sa Bethel,+ usa;
17 ang hari sa Tapua, usa; ang hari sa Heper, usa;
18 ang hari sa Apek, usa; ang hari sa Lasaron, usa;
19 ang hari sa Madon, usa; ang hari sa Hazor,+ usa;
20 ang hari sa Simron-meron, usa; ang hari sa Aksap, usa;
21 ang hari sa Taanak, usa; ang hari sa Megido, usa;
22 ang hari sa Kedes, usa; ang hari sa Jokneam+ sa Carmelo, usa;
23 ang hari sa Dor didto sa bakilid sa Dor,+ usa; ang hari sa Goiim sa Gilgal, usa;
24 ang hari sa Tirza, usa; 31 ka hari tanan.