Jeremias
2 Ang pulong ni Jehova nadawat nako, nga nag-ingon: 2 “Lakaw ug pagmantala sa mga igdulungog sa Jerusalem, ‘Kini ang giingon ni Jehova:
“Nahinumdoman nako pag-ayo ang imong debosyon* sa batan-on pa ka,+
Ang gugma nga imong gipakita dihang gisaad ka sa kaminyoon,+
Kon sa unsang paagi ko nimo gisunod sa kamingawan,
Sa yuta nga wala pugsi ug binhi.+
3 Ang Israel balaan kang Jehova,+ ang unang bunga sa iyang ani.”’
‘Bisan kinsang motukob kaniya mahimong sad-an.
Moabot kanila ang katalagman,’ miingon si Jehova.”+
4 Pamati sa pulong ni Jehova, Oh panimalay ni Jacob,
Ug kamong tanang banay sa panimalay ni Israel.
5 Kini ang giingon ni Jehova:
“Unsang sayop ang nakita sa inyong mga katigulangan kanako,+
Mao nga sila mipahilayo pag-ayo kanako,
Ug sila misunod sa walay pulos nga mga idolo+ ug sila mismo nahimong walay pulos?+
6 Wala sila mangutana, ‘Hain si Jehova,
Ang Usa nga nagpagawas kanato gikan sa yuta sa Ehipto,+
Kinsa naggiya kanato latas sa kamingawan,
Latas sa mga desyerto+ ug gahong,
Latas sa yuta nga uga+ ug ngiob kaayo,
Latas sa yuta nga walay tawong nagapanaw
Ug diin walay mga tawong nagpuyo?’
7 Unya gidala mo nako sa yuta nga may mga prutasan,
Aron mokaon sa bunga niini ug sa maayong mga butang niini.+
Apan misulod mo ug inyong gihugawan ang akong yuta;
Gihimo ninyong dulumtanan ang panulondon nga akong gihatag kaninyo.+
8 Ang mga saserdote wala mangutana, ‘Hain si Jehova?’+
Kadtong mga nagatudlo sa Balaod wala makaila kanako,
Ang mga magbalantay mirebelde kanako,+
Ang mga propeta nanagna sa ngalan ni Baal,+
Ug sila misunod niadtong mga dili makahatag ug kaayohan.
9 ‘Busa padayon kong makig-away kaninyo,’+ miingon si Jehova,
‘Ug makig-away ko sa mga anak sa inyong mga anak.’
10 ‘Apan tabok ngadto sa kabaybayonan* sa mga taga-Kitim+ ug tan-awa.
Oo, pagpasugo ngadto sa Kedar+ ug hunahunaa pag-ayo;
Tan-awa kon may nahitabo na bang sama niini.
11 Duna bay nasod nga nag-ilis sa mga diyos niini sa mga dili diyos?
Apan giilisan sa akong katawhan ang akong himaya sa kon unsay walay pulos.+
12 Tutok niini sa kahibulong, kamong kalangitan;
Kurog sa hilabihang kalisang,’ miingon si Jehova,
13 ‘Kay ang akong katawhan nakahimog duha ka daotang butang:
Sila mibiya kanako, ang tuboran sa buhi nga tubig,+
Ug nagkalot* ug kaugalingon nilang mga gahong nga pondohanag tubig,
Mga gahong nga may liki, nga dili kasudlag tubig.’
14 ‘Ang Israel ba sulugoon o ulipon nga natawo sa panimalay?
Kon dili, nan nganong gidala man siya sa katawhan ingong binihag?
Gihimo nilang kalisangan ang iyang yuta.
Ang iyang mga siyudad gisunog, mao nga walay molupyo.
16 Ang katawhan sa Nop*+ ug Tapanes+ nagkaon diha sa imong alimpulo.
17 Dili ba gibuhat nimo kini sa imong kaugalingon
Pinaagi sa pagbiya kang Jehova nga imong Diyos+
Samtang gigiyahan ka niya sa dalan?
19 Ang imong pagkadaotan angayng magtul-id kanimo,
Ug ang imong pagkadili-matinumanon angayng magbadlong kanimo.
Hibaloi ug sabta kon unsa ka daotan ug ka pait+
Ang pagbiya kang Jehova nga imong Diyos;
Wala ka magpakitag kahadlok kanako,’+ miingon ang Soberanong Ginoo, si Jehova sa mga panon.*
Apan miingon ka: “Dili ko moalagad,”
Kay ibabaw sa matag habog nga bungtod ug ilalom sa matag labong nga kahoy+
21 Gitanom ka nako ingong piniling pula nga punoan sa ubas,+ nga ang tanan niini kinamaayohang binhi;
Busa naunsa ba nga nahimo man kang daot nga mga salingsing sa ihalas nga punoan sa ubas sa akong atubangan?’+
22 ‘Bisan pag manghugas kag soda* ug mogamit ug daghang sabon,*
Ang imong pagkasad-an magpabilin gihapong mansa sa akong atubangan,’+ miingon ang Soberanong Ginoong Jehova.
23 Nganong moingon man ka, ‘Wala nako hugawi ang akong kaugalingon.
Wala ko mosunod sa mga Baal’?
Tan-awa ang imong dalan diha sa walog.
Hunahunaa kon unsay imong nabuhat.
Sama kag tulin nga nating bayeng kamelyo,
Nga nagdagan ngadto-nganhi nga walay tumong sa iyang mga dalan,
24 Samag ihalas nga asno nga naanad sa kamingawan,
Nga nagapanimhot sa hangin tungod sa iyang kaulag.
Kinsay makapugong kaniya dihang siya gusto nang magpahabal?
Kadtong nangita kaniya dili na mahago sa pagpangita.
Sa iyang panahon* sila makakaplag kaniya.
25 Ayawg tugoti nga magtiniil na ka
Ug ang imong tutonlan uhawon.
Apan miingon ka, ‘Wala nay paglaom!+
26 Sama nga ang kawatan maulawan dihang siya madakpan,
Maulawan usab ang panimalay ni Israel,
Sila, ang ilang mga hari, ug ang ilang mga prinsipe,
Ang ilang mga saserdote ug ang ilang mga propeta.+
Apan sila mitalikod kanako imbes moatubang.+
Ug sa panahon sa ilang katalagman sila moingon,
‘Tindog ug luwasa mi!’+
28 Karon hain ang imong mga diyos nga gibuhat nimo alang sa imong kaugalingon?+
Patindoga sila kon makaluwas ba sila kanimo sa panahon sa imong katalagman,
Kay ang imong mga diyos nahimong sama ka daghan sa imong mga siyudad, Oh Juda.+
29 ‘Nganong padayon mong nakigtigi kanako?
Nganong mirebelde mong tanan kanako?’+ miingon si Jehova.
30 Walay pulos ang akong paghampak sa inyong mga anak.+
Wala sila modawat ug disiplina;+
Ang inyong kaugalingong espada milamoy sa inyong mga propeta,+
Samag nagaatake nga leyon.
31 Oh kaliwatan, palandonga ninyo ang pulong ni Jehova.
Nahimo ba kong samag kamingawan alang sa Israel
O yuta nga labihan ka ngitngit?
Nganong sila, nga akong katawhan, nag-ingon, ‘Gawasnon ming nagsuroysuroy.
Dili na mi moanha kanimo’?+
32 Malimtan ba sa usa ka dalaga* ang iyang mga pahiyas,
Sa usa ka pangasaw-onon ang iyang bakos nga pangkasal?*
Apan ang akong kaugalingong katawhan nakalimot kanako sulod sa dugayng panahon.+
33 Hanas kaayo ka, Oh babaye, sa pagplano sa imong dalan aron makakaplag ug hinigugma!
Gibansay nimo ang imong kaugalingon diha sa mga dalan sa pagkadaotan.+
34 Ang imong mga besti namansahan sa dugo sa inosenteng mga kabos,+
Bisag wala nako sila makita sa akto nga sila nanglungkab;
Anaa kining tanan sa imong mga besti.+
35 Apan miingon ka, ‘Inosente ko.
Seguradong wala na siya masuko nako.’
Karon magpahamtang kog paghukom batok kanimo
Kay miingon ka, ‘Wala ko makasala.’
36 Nganong gibalewala ra nimo ang imong nag-usab-usab nga dalan?