Jeremias
15 Unya si Jehova miingon kanako: “Bisan pag nagbarog si Moises ug Samuel sa akong atubangan,+ dili gihapon nako uyonan kini nga katawhan. Pahawaa sila sa akong atubangan. Palakwa sila. 2 Ug kon mangutana sila nimo, ‘Asa man mi mangadto?’ tubaga sila, ‘Kini ang giingon ni Jehova:
“Ang para sa makamatay nga hampak, adto sa makamatay nga hampak!
Ang para sa espada, adto sa espada!+
Ang para sa gutom, adto sa gutom!
Ug ang para sa pagkabinihag, adto sa pagkabinihag!”’+
3 “‘Ug magpadala kog upat ka katalagman* alang kanila,’+ miingon si Jehova, ‘ang espada nga mopatay nila, ang mga iro nga moguyod nila palayo, ug ang mga langgam sa kalangitan ug mga mananap sa yuta nga mokaon ug mopatay nila.+ 4 Ug ipahinabo nako nga ang tanang gingharian sa yuta mangahadlok sa nahitabo kanila+ tungod kang Manases nga anak ni Ezequias, ang hari sa Juda, tungod sa iyang gibuhat sa Jerusalem.+
6 ‘Gibiyaan ko nimo,’ miingon si Jehova.+
‘Kanunay ko nimong gitalikdan.*+
Busa ituy-od nako ang akong kamot batok kanimo ug laglagon ka nako.+
Gikapoy na ko sa pagpakitag kaluoy nimo.*
7 Paliron nako sila samag nagpalid ug lugas diha sa mga ganghaan sa yuta.
Pamatyon nako ang ilang mga anak.+
Laglagon nako ang akong katawhan,
Kay dili sila motalikod sa ilang mga dalan.+
8 Ipahinabo nako nga ang ilang mga babayeng balo mas modaghan pa kay sa balas sa kadagatan.
Magpadala kog tiglaglag batok kanila sa panahon sa kaudtohon, batok sa mga inahan ug sa mga batan-ong lalaki.
Kalit kong magpadala kanilag kasakitan ug kalisang.
9 Ang babaye nga nanganak ug pito hapit nang makuyapan;
Naglisod na siyag ginhawa.
Ang iyang adlaw misalop na bisag adlawan pa,
Nga miresultag kaulawan ug pagtamay.’*
‘Ug kadtong pipila nga nahibilin kanila
Akong itugyan sa espada sa ilang mga kaaway,’ miingon si Jehova.”+
10 Alaot ko, Oh akong inahan, kay gipanganak ko nimo,+
Usa ka tawo nga ginaaway ug gikabangi sa tibuok yuta.
Wala koy gipautang o giutangan;
Apan gitunglo ko nilang tanan.
11 Si Jehova miingon: “Tabangan gyod ka nako;
Magpataliwala gyod ko nimo panahon sa katalagman,
Panahon sa kasakit tungod sa kaaway.
12 Duna bay makadugmok sa puthaw,
Puthaw nga gikan sa amihanan, ug sa tumbaga?
13 Ang imong mga kahinguhaan ug bahandi akong ihatag ingong inagaw,+
Dili tungod sa bayad, kondili tungod sa tanan nimong sala sa tibuok nimong teritoryo.
Kay dihay kalayo nga nahaling tungod sa akong kasuko,
Ug kini nagsilaob batok kanimo.”+
15 Nahibalo ka, Oh Jehova,
Hinumdomi ko ug iliso ang imong pagtagad kanako.
Panimasli ang mga naglutos kanako.+
Ayawg tugoting mamatay ko* tungod sa imong pailob.*
Hibaloi nga tungod nimo nag-antos ko niini nga pakaulaw.+
16 Dihang nakaplagan nako ang imong mga pulong, gikaon nako kini;+
Ug ang imong pulong nahimong kasadya ug kalipay sa akong kasingkasing,
Kay gitawag ko sa imong ngalan, Oh Jehova nga Diyos sa mga panon.
17 Wala ko molingkod ug makigsadya uban sa mga tiglipaylipay.+
18 Nganong ang akong kasakit grabe kaayo ug ang akong samad dili maulian?
Kini dili maalim.
Mahisama ba kag malimbongong tuboran sa tubig alang kanako
Nga dili kasaligan?
19 Busa kini ang giingon ni Jehova:
“Kon mobalik ka, ipasig-uli ka nako,
Ug mobarog ka sa akong atubangan.
Kon ilain nimo ang bililhon gikan sa walay pulos,
Mahisama kag akong tigpamaba.*
Kinahanglan silang mobalik kanimo,
Apan dili ka mobalik kanila.”
20 “Himoon ka nakong lig-ong paril nga tumbaga alang niini nga katawhan.+
Sila makig-away gayod kanimo,
Apan dili sila makadaog kanimo,+
Kay ako magauban kanimo, sa pagpanalipod ug pagluwas kanimo,” miingon si Jehova.
21 “Ug luwason ka nako gikan sa kamot sa mga daotan
Ug tubson ka nako gikan sa palad sa mga tawong bangis.”