Salmo

Magpasalamat kamo kang Jehova, kay siya maayo;+

Ang iyang maunongong gugma molungtad hangtod sa hangtod.+

 2 Kinsa may bug-os makasaysay sa gamhanang mga buhat ni Jehova

O makapahayag sa tanan niyang dalayegong buhat?+

 3 Malipayon kadtong mga nagpakitag hustisya,

Nga kanunayng naghimo sa kon unsay husto.+

Atimana ako pinaagi sa imong mga buhat sa pagluwas,

 5 Aron matagamtam nako ang imong pagkamaayo ngadto sa imong mga pinili,+

Aron magsadya ko uban sa imong nasod,

Aron mapasigarbohon kong magdayeg* kanimo uban sa imong panulondon.

 6 Nakasala mi sama sa among mga katigulangan;+

Nakahimo mig sayop; nagbuhat mig daotan.+

Wala nila hinumdomi ang imong dagayang maunongong gugma,

Mirebelde hinuon sila didto sa dagat, sa Pulang Dagat.+

 8 Apan giluwas niya sila tungod sa iyang ngalan,+

Aron ipaila ang iyang pagkagamhanan.+

 9 Gibadlong niya ang Pulang Dagat, ug kini namala;

Iyang gigiyahan sila latas sa kahiladman niini nga samag naglatas sila sa desyerto;*+

10 Iyang giluwas sila gikan sa kamot sa ilang kontra+

Ug gibawi sila gikan sa kamot sa kaaway.+

11 Ang katubigan mitabon sa ilang mga kaaway;

Walay usa kanila ang naluwas.*+

12 Unya nagbaton silag pagtuo sa iyang saad;+

Miawit silag mga pagdayeg kaniya.+

13 Apan nalimtan dayon nila ang iyang gibuhat;+

Wala sila maghulat sa iyang paggiya.

14 Gipaundayonan nila ang ilang hakog nga mga tinguha didto sa kamingawan;+

Ilang gisulayan ang Diyos didto sa desyerto.+

15 Gihatag niya kanila ang ilang gihangyo,

Apan gihampak niya silag sakit nga nakapahugo kanila.+

16 Didto sa kampo nagselos sila kang Moises

Ug kang Aaron,+ ang balaan ni Jehova.+

17 Unya mibuka ang yuta ug gilamoy si Datan

Ug gitabonan kadtong mga nagtigom uban ni Abiram.+

18 Misilaob ang kalayo taliwala sa ilang pundok;

Gilamoy sa kalayo ang mga daotan.+

19 Nagbuhat silag nating baka sa Horeb

Ug miyukbo sa metal nga estatuwa;*+

20 Gibaylo nila ang akong himaya

Sa larawan sa usa ka torong baka nga tigsibsib ug sagbot.+

21 Gikalimtan nila ang Diyos+ nga ilang Manluluwas,

Kinsa nagbuhat ug dagkong butang sa Ehipto,+

22 Katingalahang mga buhat sa yuta sa Ham,+

Makapahinganghang mga buhat sa Pulang Dagat.+

23 Magsugo na unta siya nga laglagon sila,

Apan si Moises nga iyang pinili nagpataliwala*

Aron pugngan ang iyang malaglagong kasuko.+

24 Unya gitamay nila ang tilinguhaong yuta;+

Wala silay pagtuo sa iyang saad.+

25 Kanunay silang nagbagulbol sulod sa ilang mga tolda;+

Wala sila magpatalinghog sa tingog ni Jehova.+

26 Busa giisa niya ang iyang kamot sa pagpanumpa labot kanila

Nga pukanon niya sila sa kamingawan;+

27 Pukanon niya ang ilang mga kaliwat taliwala sa mga nasod,

Ug patibulaagon niya sila sa mga kayutaan.+

28 Unya miduyog sila sa pagsimba* kang Baal sa Peor,+

Ug mikaon sila sa mga halad nga gitanyag ngadto sa patay.*

29 Gipasuko nila Siya pinaagi sa ilang mga buhat,+

Ug midangat kanila ang usa ka hampak.+

30 Apan dihang mitindog si Pinehas ug nangilabot,

Ang hampak mihunong.+

31 Ug tungod niana giisip siya nga matarong

Sa tanang kaliwatan hangtod sa hangtod.+

32 Gipasuko nila Siya didto sa katubigan sa Meriba,*

Ug dili maayo ang gidangatan ni Moises tungod kanila.+

33 Gipasuko nila siya,

Ug nahinayak siya sa pagsulti.+

34 Wala nila laglaga ang mga katawhan,+

Sumala sa gisugo ni Jehova kanila.+

35 Apan nakig-uban sila sa mga nasod+

Ug gisagop nila ang* ilang mga dalan.+

36 Padayon silang nag-alagad sa ilang mga idolo,+

Ug kini nahimong lit-ag kanila.+

37 Gihalad nila ang ilang mga anak nga lalaki

Ug mga anak nga babaye ngadto sa mga demonyo.+

38 Padayon silang nag-ula ug inosenteng dugo,+

Ang dugo sa kaugalingon nilang mga anak nga lalaki ug babaye

Nga gihalad nila sa mga idolo sa Canaan;+

Ug ang yuta nahugawan tungod sa pag-ula ug dugo.

39 Sila nahimong hugaw tungod sa ilang gipanghimo;

Sila naghimog espirituwal nga prostitusyon pinaagi sa ilang binuhatan.+

40 Busa ang kasuko ni Jehova misilaob sa iyang katawhan,

Ug gikasilagan niya ang iyang panulondon.

41 Sublisubli niya silang gitugyan sa kanasoran,+

Aron kadtong nagdumot kanila magmando kanila.+

42 Sila gidaogdaog sa ilang mga kaaway,

Ug sila nailalom sa gahom* niini.

43 Makadaghan niya silang giluwas,+

Apan sila mirebelde ug wala magmasinugtanon,+

Ug gipaubos sila tungod sa ilang kasaypanan.+

44 Apan nakita niya ang ilang kasakit+

Ug gidungog ang ilang pagpangayog tabang.+

45 Alang kanila iyang gihinumdoman ang iyang pakigsaad,

Ug siya naluoy* tungod sa iyang dakong* maunongong gugma.+

46 Gipahinabo niya nga sila kaluy-an

Sa tanang nagbihag kanila.+

47 Luwasa kami, Oh Jehova nga among Diyos,+

Ug tigoma kami gikan sa mga nasod+

Aron kami magpasalamat sa imong balaang ngalan

Ug maghugyaw sa pagdayeg kanimo.+

48 Madayeg unta si Jehova, ang Diyos sa Israel,

Hangtod sa hangtod.+