Salmo

115 Dili kanamo, Oh Jehova, dili kanamo,*

Kondili sa imong ngalan ihatag ang himaya+

Tungod sa imong maunongong gugma ug pagkamatinumanon.+

 3 Ang among Diyos anaa sa kalangitan;

Buhaton niya ang bisan unsa nga makapalipay niya.

 4 Ang ilang mga idolo maoy plata ug bulawan,

Binuhat lang sa tawo.+

 5 Duna silay baba, apan dili makasulti;+

Dunay mga mata, apan dili makakita;

 6 Duna silay mga dalunggan, apan dili makadungog;

Dunay ilong, apan dili makapanimaho;

 7 Duna silay mga kamot, apan dili makahikap;

Dunay mga tiil, apan dili makalakaw;+

Walay mogawas nga tingog sa ilang tutonlan.+

 8 Ang mga tawo nga nagbuhat kanila mahisama gayod kanila,+

Mao man usab ang tanang nagasalig kanila.+

 9 Oh Israel, salig kang Jehova+

—Siya ang inyong tabang ug ang inyong taming.+

10 Oh panimalay ni Aaron,+ salig kang Jehova

—Siya ang inyong tabang ug ang inyong taming.

11 Kamo nga nahadlok kang Jehova, salig kang Jehova+

—Siya ang inyong tabang ug ang inyong taming.+

12 Si Jehova mahinumdom ug magpanalangin kanato;

Iyang panalanginan ang panimalay ni Israel;+

Iyang panalanginan ang panimalay ni Aaron.

13 Iyang panalanginan kadtong mga nahadlok kang Jehova,

Bata man o tigulang.*

14 Palamboon mo ni Jehova,

Kamo ug ang inyong mga anak.*+

15 Hinaot panalanginan mo ni Jehova,+

Ang Magbubuhat sa langit ug yuta.+

16 Ang kalangitan iya ni Jehova,+

Apan ang yuta iyang gihatag sa mga anak sa mga tawo.+

17 Ang mga patay dili modayeg kang Jah;+

Mao man usab ang bisan kinsa nga manaog ngadto sa kahilom sa kamatayon.*+

18 Apan dayegon nato si Jah

Sukad karon ug hangtod sa hangtod.