Salmo
Ngadto sa direktor; sa tono sa “Ang Lirio sa Pahinumdom.” Miktam.* Salmo ni David. Alang sa pagtudlo. Dihang siya nakig-away sa Aram-naharaim ug sa Aram-Zoba, ug si Joab mibalik ug nagpukan sa 12,000 ka Edomhanon sa Walog sa Asin.+
60 Oh Diyos, gisalikway mi nimo; gibungkag nimo ang among mga depensa.+
Nasuko ka kanamo; apan karon dawata mi pag-usab!
2 Giuyog nimo ang yuta; gipikas nimo kini.
Ayoha ang mga gawang niini, kay kini hapit nang malumpag.
3 Gipahinabo nimo nga mag-antos sa kalisdanan ang imong katawhan.
Gipainom mi nimo ug bino nga tungod niana kami nagsusapinday.+
6 Ang Diyos nagsulti sumala sa iyang pagkabalaan:*
7 Akoa ang Gilead, ingon man ang Manases,+
Ug ang Epraim mao ang helmet* sa akong ulo;
Ang Juda mao ang sungkod sa akong komandante.+
8 Ang Moab mao ang akong hugasanan.+
Ilabay nako ang akong sandalyas sa Edom.+
Mosinggit ko sa kadaogan didto sa Filistia.”+
9 Kinsay modala kanako ngadto sa gilikosan* nga siyudad?
Kinsay motultol kanako hangtod sa Edom?+