Salmo
Salmo ni David. Maskil.*
32 Malipayon ang usa kansang kalapasan gipasaylo, kansang sala gipapas.*+
3 Dihang naghilom ko, ang akong mga bukog nagabok tungod sa akong pag-agulo sa tibuok adlaw.+
4 Adlaw ug gabii kong nabug-atan kay wala ka malipay kanako.+
Ang akong kusog nahanaw* samag tubig nga nauga sa ting-init. (Selah)
Miingon ko: “Isugid nako kang Jehova ang akong mga kalapasan.”+
Ug imong gipasaylo ang akong kasaypanan ug mga sala.+ (Selah)
Unya bisag ang baha dili makaabot kaniya.
Palibotan ko nimog malipayong mga hugyaw sa kaluwasan.+ (Selah)
8 “Hatagan ka nakog lawom nga pagsabot ug tudloan sa dalan nga angay nimong laktan.+
Tambagan ka nako samtang nagatan-aw ko kanimo.+
9 Ayaw pagpakasama sa kabayo o mula, nga walay pagsabot,+
Kansang kaliksi kinahanglang busalan o rendahan
Una pa kini moduol kanimo.”
10 Daghan ang kasakit sa daotan;
Apan ang usa nga nagasalig kang Jehova gipalibotan sa Iyang maunongong gugma.+
11 Pagsadya diha kang Jehova ug paglipay, kamong mga matarong;
Panghugyaw mo sa kalipay, kamong tanan nga matinud-anog kasingkasing.