Salmo

 2 Ang mga panganod ug grabeng kangiob naglibot kaniya;+

Ang pagkamatarong ug hustisya mao ang pundasyon sa iyang trono.+

 3 Dunay kalayo nga nag-una kaniya+

Ug giut-ot niini ang iyang mga kaaway sa palibot.+

 4 Ang iyang mga kilat nagpadan-ag sa yuta;

Nakita kini sa yuta ug kini natay-og.+

 5 Ang kabukiran natunaw sa atubangan ni Jehova samag talo,*+

Sa atubangan sa Ginoo sa tibuok yuta.

 6 Ang kalangitan nagpahayag sa iyang pagkamatarong,

Ug ang tanang katawhan nakakita sa iyang himaya.+

 7 Hinaot maulawan ang tanang nag-alagad sa kinulit nga larawan,+

Kadtong mga nagpasigarbo sa ilang mga diyos nga walay pulos.+

 8 Ang Zion nakadungog ug nagsadya;+

Ang mga lungsod* sa Juda nagmalipayon

 9 Kay ikaw, Oh Jehova, ang Labing Hataas ibabaw sa tibuok yuta;

Ikaw binayaw kaayo labaw sa tanang ubang diyos.+

Iyang ginapanalipdan ang kinabuhi sa mga maunongon kaniya;+

Iyang ginaluwas sila gikan sa kamot* sa daotan.+

11 Ang kahayag nagdan-ag alang sa matarong+

Ug ang kasadya alang niadtong mga matinud-anog kasingkasing.

12 Pagsadya kang Jehova, kamong mga matarong,

Ug pagpasalamat mo sa iyang balaang ngalan.*