Job

 3 Tuison ba sa Diyos ang hustisya,

O tuison ba sa Labing Gamhanan ang pagkamatarong?

 4 Kon ang imong mga anak nakasala batok kaniya,

Tugotan niya silang mag-antos gumikan sa ilang paglapas;

 5 Apan kon modangop lang unta ka sa Diyos+

Ug mangaliyupo* sa Labing Gamhanan,

 6 Ug kon ikaw putli gayod ug matarong,+

Siya magbantay kanimo*

Ug ipasig-uli ka niya sa imong hustong dapit.

 7 Ug bisag sa sinugdanan ubos ka,

Sa umaabot magmalamboon ka gayod.+

 8 Palihog, pangutan-a ang kanhing kaliwatan,

Ug susiha kon unsay nakat-onan sa ilang mga katigulangan.+

 9 Kay kita kagahapon lang natawo, ug wala kitay nahibaloan,

Kay ang atong kinabuhi sa yuta daw usa ka anino.

10 Dili ba sila motudlo kanimo

Ug mosugilon sa ilang nahibaloan?*

12 Samtang kini putot pa ug wala pa pungila,

Mauna kinig kalaya sa ubang tanom.

13 Kini ang dangatan* sa tanan nga makalimot sa Diyos,

Kay ang paglaom sa walay Diyos* mahanaw,

14 Kansang pagsalig walay kapuslanan,

Ug ang iyang gisaligan sama ka huyang sa lawalawa.

15 Siya mosandig sa iyang balay, apan kini malumpag;

Siya mohawid niini, apan kini mahugno.

16 Siya samag nabisbisan nga tanom ilalom sa adlaw,

Ug ang iyang mga salingsing mokatay sa tanaman.+

17 Ang iyang mga gamot nanguyapot sa mga bato,

Siya nangita ug kapuy-an diha sa mga bato.*

18 Apan kon siya ibton* gikan sa iyang dapit,

Ang maong dapit maglimod kaniya ug moingon, ‘Wala ko makaila nimo.’+

19 Busa siya mahanaw;*+

Unya lain na nga mga tanom ang manubo didto.

20 Ang Diyos dili gayod magsalikway niadtong mga naghupot ug integridad;*

Dili gayod niya tabangan ang* mga daotan,

21 Kay ang Diyos maghatag kanimog kalipay

Ug ikaw mosinggit sa kalipay.

22 Ang mga nagdumot kanimo maulawan,

Ug ang tolda sa mga daotan mahanaw.”