Mga Cassette—Nagbag-o sa Iyang Kinabuhi

Ang usa ka Saksi sa Barbados nagtuon sa Bibliya uban sa usa ka bayong kansang igsoong lalaki usa ka marinero. Ang maong marinero nakalangyaw ug nawad-ag kasibot sa iyang nakita sa relihiyon. Gitamay niya ang kaikag sa iyang igsoon sa Bibliya. Bisan pag maduhaduhaon, gidawat niya ang pila ka basahon sa Bibliya ug pila ka cassette teyp sa Bibliya, nga iyang gidala sa iyang sunod nga paglayag. Sa panahon sa iyang pag-abot sa Australia, nabasa na niya ang tanang basahon ug nakapamati sa mga teyp. Buot niyang mahibalo sa dugang pa. Ang Australianong mga Saksi nahitabong nakaduaw sa iyang barko, ug malipayon niyang gidawat ang dugang basahon sa Bibliya.

Tapos sa ubay-ubayng mga bulan sa dagat, mibalik siya sa Barbados—usa ka nabag-ong tawo. Gihunong niya ang pagtabako ug pagyupyop ug marijuana, gibiyaan ang pagsugal ug pag-inom, ug giundang ang imoral niyang mga paagi. Sa kataposan siya nabawtismohan. Unsay nakatandog sa iyang pagbag-o? Sa paghinumdom siya miingon: “Ang mga teyp sa Bibliya mao ang nag-abli sa Kasulatan alang kanako ug nakapasayon nako sa pagsabot sa mga kamatuoran sa Bibliya.”