Nahibalo Ka Ba?

(Ang mga tubag niining maong pasulit hikaplagan diha sa mga teksto sa Bibliya nga gisitar, ug ang bug-os nga talaan sa mga tubag gipatik sa panid 19.Alang sa dugang impormasyon, tan-awa ang basahong “Insight on the Scriptures,” nga gipatik sa Watchtower Bible and Tract Society of New York, Inc.)

 1. Unsang pamulong ang kasagarang gigamit ni Jesus aron ipasabot sa iyang mga mamiminaw nga husto ang iyang mga gipahayag? (Mateo 5:18)

 2. Kinsa ang gitumong: “Ang labing ubos maoy katumbas sa usa ka gatos, ug ang labing dako maoy katumbas sa usa ka libo”? (1 Cronicas 12:​8-14)

 3. Kansang ngalan ang sagad gilangkit sa maisogong mga manggugubat nga dapig kang David nga ginganlag si Joab, Abisai, ug Asahel? (2 Samuel 2:18)

 4. Bisan pag ang usa tingali maoy usa ka tumong sa pagdumot tungod sa iyang ngalan, unsay giingon ni Jesus nga kinahanglang buhaton sa usa aron maluwas? (Marcos 13:13)

 5. Pila ang mga anak ni Haman, nga tanan sila gipatay tungod sa iyang pagkamabatokon sa mga Hudiyo? (Ester 9:10)

 6. Unsang matang sa espiritung linalang ang nagdapat ug baga sa uling sa mga ngabil ni Isaias aron makatuman si Isaias sa iyang buluhaton sa pagpanagna? (Isaias 6:6)

 7. Kinsa ba ang “tawong tinugyanan” ni Herodes, kansang asawa, si Joanna, nag-alagad kang Jesus? (Lucas 8:3)

 8. Unsang katungdanang may responsibilidad ang gidasig ni Pablo sa mga lalaki sa kongregasyon nga pagatinguhaon? (1 Timoteo 3:1)

 9. Unsa ang mga ngalan sa upat ka suba nga misanga gikan sa “suba nga nagagula sa Eden”? (Genesis 2:​10-14)

10. Gipunting ni Pablo nga ang diyutay nga igpapatubo makahimo sa unsa? (Galacia 5:9)

11. Unsa ang mga ngalan sa tulo ka anak lalaki ni Noe, nga gikan kanila mitungha “ang tanang katawhan sa yuta”? (Genesis 9:​18, 19)

12. Kinsa ang amahan sa manalagnang si Samuel? (1 Samuel 1:​19, 20)

13. Diha sa unsang maayong-pagkahimutang nga siyudad nga nag-umbaw sa Walog sa Jezreel nga gibugno ang daghang mahukmanong mga gubat? (Maghuhukom 5:19)

14. Naluwas tungod sa ilang panglingla, ang mga Gabaonhon gitudlo sa unsang mga buluhaton? (Josue 9:27)

15. Unsay panawag nga gihatag sa 12 ka tinun-an nga personal gipili ni Jesus? (Mateo 10:2)

16. Unsang mga titulo nga angay lamang kaniya ang gisulti ni Jesus sa iyang mga tinun-an nga angayng dili itawag kanila? (Mateo 23:​8, 10)

17. Sa unsang yuta gisulat ni Pablo ang basahon sa Hebreohanon? (Hebreohanon 13:24)

18. Unsang pamulong ang gigamit ni Job sa pagpahayag nga siya igo rang nakaikyas sa kamatayon? (Job 19:20)

19. Sa karaang mga panahon, diin ba ibulag ang lugas gikan sa lindog ug sa tahop? (Ruth 3:3)

20. Unsay mga hinungdan nga ang mga igsoon ni Jose nagdumot kaniya? (Genesis 37:​3-11)

Mga Tubag sa Pasulit

 1. “Sa pagkamatuod ako magaingon kaninyo”

 2. Ang abtik ug maisogong kusgang mga lalaki sa tribo ni Gad nga mikuyog kang David sa kamingawan samtang siya napig-otan pa tungod kang Haring Saul

 3. Ilang inahan, si Zeruia

 4. Moagwanta hangtod sa kataposan

 5. Napulo

 6. Usa ka serapin

 7. Chuza

 8. “Katungdanan sa pagkamagtatan-aw”

 9. Pison, Gihon, Hidekel, ug Euprates

10. Magpatubo sa tibuok minasa

11. Si Sem, Ham, ug Japet

12. Elkana

13. Megiddo

14. Sila nahimong “mga tigpangahoy ug mga tigkalos ug tubig alang sa katigoman ug alang sa halaran ni Jehova”

15. Mga apostoles

16. Rabbi ug Pangulo

17. Italya

18. “Ako nakaikyas pinaagi sa panit sa akong ngipon”

19. Sa salog nga giokanan

20. Tungod kay siya labawng gihigugma sa iyang amahan ug tungod sa iyang mga damgo