Usa ka Matahom nga Tanaman

TAN-AWA ang yuta dinhi! Unsa gayod kaanindot ang tanan! Nakita mo ba ang mga kahoy, ang mga bulak ug ang tanang mga mananap? Diin man gikan kining matahom nga tanaman? Buweno, ang Diyos naghimo niini.

Una, ang Diyos naghimo sa lunhawng sagbot sa pagtabon sa yuta. Unya naghimo siya sa tanang matang sa gagmayng mga tanom, mga sagbot ug mga kahoy. Kini naghimo sa yuta nga maanindot tan-awon, ug ang pipila kanila naghatag kanato sa pagkaon nga lamian kaayo.

Sa ulahi ang Diyos naghimo sa isda nga molangoylangoy sa tubig, ug mga langgam nga manglupad sa kalangitan. Siya nagbuhat sa dagkong mga mananap ug sa gagmayng mga mananap. Unsang mga mananapa ang nagpuyo duol sa imong pinuy-anan?

Sa kataposan ang Diyos naghimo sa usa ka dapit nga gitawag ang tanaman sa Eden. Kadto maoy talagsaon kaayong dapit. Ang tanan didto maoy matahom, ug buot sa Diyos nga ang tibuok yuta mahisama niining maanindot nga tanaman.

Apan tan-awa pag-usab ang hulagway sa tanaman. Nahibalo ka bag unsay nakulang? Tan-awon ta.