Nagkahiusa Ubos sa Bandera sa Gugma

“Labaw sa tanang butang, batoni ang mainiton nga gugma alang sa usag usa.”—1 PEDRO 4:8.

 1. Unsang matang sa gugma ang atong makita taliwala sa katawhan sa Diyos karong adlawa, ug unsay gimantala sa dinihogang mga Kristohanon sukad sa 1922?

MAKITA ba nato kanang matanga sa gugma taliwala sa katawhan sa Diyos karong adlawa? Tinuod nga atong makita! Kini gugma nga nasentro sa pag-ila ug pagpaluyo sa pagkasoberano ni Jehova, maingon nga gipaluyohan kana ni David. Ilabina sukad sa tuig 1922, ang dinihogang mga igsoon ni Jesu-Kristo, “ang Anak ni David,” nagamantala sa tibuok yuta nga ang Gingharian sa Diyos haduol na ug ang mga manlalaban sa madaugdaogong pagmando ni Satanas hapit nang laglagon sa tinudlo-sa-Diyos nga Maghuhukom, si Jesu-Kristo.—Mateo 21:15, 42-44; Pinadayag 19:11, 19-21.

 2. Nganong si David matawag ‘usa ka tawo nga nauyonan sa kasingkasing ni Jehova?

² Si David mao’y ‘usa ka tawo nga nauyonan sa kasingkasing ni Jehova.’ Kana nadayag sa iyang gugma kang Jehova ug sa Iyang pagkamatarong—mga kanaiya nga giila bisan sa talawang Haring Saul nga diha kang David—oo, sa iyang mga hiyas nga pagkadili-mahadlokon, tibuok-kasingkasing nga debosyon kang Jehova, pagpangulo, ug mapaubsanong pagpasakop sa teokratikanhong kahikayan.—1 Samuel 13:14; 16:7, 11-13; 17:33-36; 24:9, 10, 17.

 3. Unsa ana tinamdan ni Jonathan bahin kang David, ug ngano?

³ Human sa iyang pagkadaog batok kang Goliat, mitaho is David kang Saul. Maoy niadtong panahona napadayag ang laing nahigugma sa pagkamatarong. Siya mao si Jonathan, kinamagulangang anak lalaki ni Haring Saul. “Nahitabo nga, sa pagkatapos [ni David] sa pagpakigsulti kang Saul, ang kalag mismo ni Jonathan nalanggikit sa kalag ni David, ug si Jonathan nahigugma kaniya ingon sa iyang kaugalingong kalag.” (1 Samuel 18:1) Inay sa unodnong kaisog ug kahanas sa lambayog, ang mainitong kasibot ni David sa paghinlo sa ngalan sa Diyos sa kaulawan, ang iyang pagkadili-mahakogon, ug iyang dayag nga pagsalig kang Jehova mao ang nakadani sa kinasingkasing nga pagdayeg ni Jonathan.—Itandi ang 8:1, 9; 9:1, 2.

 4. Unsay gihimo ni Jonathan sa pag-ila nga si David mao ang gidihogan aron mahimong hari?

⁴ Bisan tuod si Jonathan maoy mga 30 ka tuig nga mas magulang kay ni David, nahiusa siya sa maong batan-ong manggugubat sa malungtarong bugkos sa panaghigala. “Ug si Jonathan ug si David naghimo sa usa ka pakigsaad, tungod sa iyang paghigugma kaniya ingon sa iyang kaugalingong kalag. Dugang pa, si Jonathan mihukas sa walay-bukton nga kupo nga diha kaniya ug mihatag niana kang David, ug ang iyang mga biste usab, ug bisan ang iyang pinuti ug iyang pana ug iyang bakos.” (1 Samuel 18:3, 4) Talagsaon gayod nga pasundayag sa pag-ila sa bahin ni Jonathan! Si Jonathan kasagaran mao unta ang manununod ni Saul. Bisan pa niana gipahayag niya ang mainiton, may-prinsipyo nga gugma kang David ug pagpasakop kaniya ingong mao ang gidihogan aron mahimong hari, ang usa nga ang iladong may tuyo sa pagtuboy sa ngalan ug pagkasoberano ni Jehova.—2 Samuel 7:18-24; 1 Cronicas 29:10-13.

 5. Unsay giila ni Jonathan kon bahin sa teokratikanhong pakiggubat?

⁵ Si Jonathan mismo usa ka mag-aaway usab alang sa pagkamatarong. Gipahayag niya nga “walay makababag kang Jehova sa pagluwas pinaagi sa daghan o sa diyutay.” Ngano? Kay naila ni Jonathan nga kanunay gikinahanglan ang pagpangitag balaang giya aron makadaog sa teokratikanhong pakig-away. Sa dihang wala tuyoa si Jonathan nakahimog sala nga tungod niana gisentensiyahan siya ni Saul sa kamatayon, mapaubsanon niyang gidawat ang maong hukom. Ikalipay, gitubos siya sa katawhan.—1 Samuel 14:6, 9, 10, 24, 27, 43-45.

Pagpahayag sa Maunongong Gugma

 6. Sa unsang paagi ang maunongong gugma ni Jonathan nakatabang kang David?

⁶ Si Saul nasina sa kabantog ni David ingong manggugubat ug nagtinguha sa pagpatay kaniya, apan ang maunongong gugma ni Jonathan nakatabang! Ang asoy mabasa: “Mahitungod kang Jonathan, ang anak ni Saul, siya nalipay pag-ayo kang David. Busa si Jonathan misugilon kang David, nga miingon: ‘Si Saul, siya nalipay pag-ayo kang David. Busa si Jonathan misugilon kang David, nga miingon: ‘Si Saul nga akong amahan nagapangita sa pagpatay kanimo. Ug karon magbantay ka, palihog, sa mabuntag, ug kinahanglang mopuyo ka sa tago ug magtago ka sa imong kaugalingon.’” Niadtong higayona, gialam-alaman ni Jonathan si Saul, mao nga si David naluwas. Apan ang dugang mga kalamposan ni David “sa pagpakig-away batok sa mga Filistehanon ug pagpatay kanila sa usa ka dakong pagpamatay” nakapukaw sa pagdumot ni Saul. Sa makausa pa mihukom siya sa pagpatay kang David, mao nga mikalagiw si David.—1 Samuel 19:2-10.

 7. Sa natagbo ni Jonathan si David, unsay ilang giingong sa usag usa sa paglig-on sa usa ka pakigsaad?

⁷ Sa wala madugay, nahibalag na usab sa mikagiw nga David si Jonathan, nga mipahayag: “Bisan unsa ang isulti sa imong kalag akong pagabuhaton alang kanimo.” Gilig-on sa duha ang usa ka pakigsaad atubangan kang Jehova, ug si David misaad nga dili gayod siya magputol sa mahigugmaong-kalulot gikan sa panimalay ni Jonathan—usa ka saad nga matinumanon niyang gituman. “Busa si Jonathan nanumpa na usab kang David tungod sa iyang gugma kaniya; kay sama sa iyang paghigugma sa iyang kaugalingong kalag iyang gihigugma sa iyang kaugalingong kalag iyang gihigugma siya.”—1 Samuel 20:4-17; 2 Samuel 21:7.

 8. Nganong si Jonathan ug si David nagtagbo sa tago sa usa ka kapatagan, ug unsay nahitabo niadtong higayona?

⁸ Si Haring nagmatig-a sa iyang hukom sa pagpatay kang David. Aw, gilabay gani ni Saul sa usa ka bangkaw ang iyang kaugalingong anak si Jonathan sa dihang siya misulti alang kang David! Busa nakigtagbo si Jonathan sa tago kang David sa kapatagan. “Mahitungod kang David, . . . siya mihapa sa iyang nawong sa yuta ug miyukbo sa makatulo; ug naghinagkanay sila sa usag usa ug naghinilakay sila hangtod nga milabaw si David. Ug si Jonathan miingon kang David: ‘Lakaw sa pakigdait, sanglit kita nakapanumpa, kitang duha, sa ngalan ni Jehova, nga nag-ingon, “Hinaot si Jehova magpataliwala kanako ug kanimo ug sa akong mga kaliwat ug sa imong kaliwat sa panahong walay katinoan.”’” Busa sila nagbulag, ug si David nahimong kagiw sa kamingawan sa Ziph.—1 Samuel 20:41, 42.

 9, 10. (a) Sa unsang paagi dugang gidasig ni Jonathan si David sa panahon sa lagmit kataposang panagtagbo sa duha? (b) Sa gipatay si Jonathan ug si Saul sa mga Pilistehanon, unsang awit sa kamingaw ang gikomposo ni David, ug giunsa niya kadto pagtapos?

⁹ Sa mahigugmaon, si Jonathan nagpadayon sa pagdasig kang David. Sumala sa ginaingon sa rekord: Si Jonathan nga anak ni Saul mitindog ug miadto kang David sa Horesh, aron siya makalig-on sa iyang kamot kon bahin sa Diyos. Ug siya miingon kaniya: ‘Ayaw kahadlok; kay ang kamot ni Saul nga akong amahan dili makakaplag kanimo, ug ikaw mismo mahimong hari ibabaw sa Israel, ug ako mismo mahimong ikaduha kanimo; ug si Saul nga akong amahan nahibalo usab niana.’ Unya silang duha naghimo sa usa ka pakigsaad atubangan ni Jehova.”—1 Samuel 23:15-18.

¹⁰ Lagmit, kadto ang kataposang panagtagbo ni David ug sa iyang maunongong kaubang si Jonathan. Sa ulahi, dihang si Jonathan ug si Saul namatay sa pagpakiggubat batok sa mga Pilistehanon, si David mikomposo sa usa ka awit sa kamingaw, “Ang Pana.” Niana gipahayag niya ang pagtahod kag Saul ingong dinihogan ni Jehova apan gitapos ang iyang awit sa mga pulong: “Si Jonathan namatay ibabaw sa imong hatag-as nga mga dapit! Ako nasubo tungod kanimo, igsoon ko nga Jonathan, kahimut-anan ka kaayo kanako. Ang imong gugma labi pang katingalahan kay sa gugma gikan sa mga babaye. Giunsa sa pagkapukan sa mga gamhanan ug nangawala ang mga hinagiban sa gubat!” (2 Samuel 1:18, 21, 25-27) Unya si David gidihogan sa ikaduhang panahon, ingon nga hari ibabaw sa Juda.

Modernong-Adlaw nga mga Katumbas

11, 12. (a) Unsang matang sa gugma ang gihatagag panig-ingnan ni David ug Jonathan? (b) Unsay gilandongan sa mainitong gugma tali ni David ug ni Jonathan?

¹¹ Sanglit “ang tibuok Kasulatan dinasig sa Diyos ug mapuslanon sa pagpanudlo,” unsay atong makat-onan gikan sa asoy mahitungod kang David ug Jonathan? (2 Timoteo 3:16)

Atong mamatikdan nga adunay gugma “nga labi pang katingalahan . . . kay sa gugma gikan sa mga babaye.” Matuod, “ang gugma gikan sa mga babaye” Matuod, “ang gugma gikan sa mga babaye” mahimong kahimut-anan ug makapatagbaw kon tahoron ang mga kasugoan ni Jehova mahitungod sa kaminyoon. (Mateo 19:6, 9; Hebreohanon 13:4) Apan si David ug si Jonathan naghatag ug sulundan sa usa ka mas maayong bahin sa gugma, nga nahiuyon sa sugo: “Pamati, Oh Israel: Si Jehova nga atong Diyos maoy usa ka Jehova. Ug higugmaon mo si Jehova nga imong Diyos uban sa bug-os mong kasingkasing ug sa bug-os mong kalag ug sa bug-os mong kusog.”—Deuteronomio 6:4, 5.

¹² Si David ug si Jonathan nagkahiusa sa pagpahayag nianang gugmaha samtang sila nakigbisog sa paghinlo sa ngalan ni Jehova sa tanang pakaulaw nga gipahamtang niana sa Iyang mga kaaway. Sa pagbuhat niini, giugmad usab nila ang ‘mainitong gugma alang sa usag usa.’ (1 Pedro 4:8) Ang pakig-uban nga gipahimuslan nila niining bahina milapaw sa sugo sa Levitico 19:18: “Higugmaa ang imong isigkatawo sama sa imong kaugalingon.” Sa pagkamatuod, kana naglandong sa matang sa gugma nga gipaila sa kang Jesus nga “bag-ong sugo, nga maghigugmaay kamo sa usag usa; maingon nga ako nahigugma kaninyo, nga kamo maghigugmaay usab sa usag usa.” Ang gugma ni Jesus masakripisyohonsa-kaugalingon dili lamang sa iyang kompletong pagpasakop sa kabubut-on ni Jehova kondili diha usab sa iyang kaandam nga “itugyan ang iyang kalag alang sa iyang mga higala.”—Juan 13:34; 15:13.

Usa ka Nagkahiusang “Panon”

13. Unsang pundok sa mga magmamantala sa Gingharian ang mitungha sa talan-awon ilabina sukad sa 1935, ug unsang panaghiusa ang nabatonan sa dinihogang mga Kristohanon uban kanila?

¹³ Ang dinihogang mga Kristohanon sa “gamayng panon” nagpas-an sa gibug-aton sa pakiggubat sa pagpakigbisog sa modernong-adlawng Goliat. Hinuon, sukad sa 1935 sila giduyogan sa mga magmamantala sa Gingharian sa lain ug mas dako pang “panon.” Kining “ubang mga karnero” nakighiusa sa nahibiling dinihogang “mga karnero” ingong “usa ka panon” ilalom sa “usa ka magbalantay,” ang “Anak ni David,” sa kinalabwang bugkos sa mahigugmaong panaghiusa—sama sa naglungtad tali kang Jonathan ug David.—Lucas 12:32; Juan 10:16; Ezekiel 37:24.

14. What paralleled Saul’s attempts to kill David, and Jonathan’s lovingly identifying himself with David?

¹⁴ Samtang kining Jonathan nga pundok nagsugod sa pagdaghan nga nahimong usa ka dakong panon, ang Gubat sa Kalibotan II misilaob, mao nga ang dinihogan ug ang ilang mga kauban grabeng gisulayan. Kadto maoy katuigan sa mapintasong paglutos, nga kadaghanan gisibahan sa klero. Kadto maoy katuigan sa mapintasong paglutos, nga kadaghanan gisibahan sa klero. Kadto katumbas sa mga tinguha ni Saul sa pagpatay sa dinihogang David ug, sa ulahi, kang Jonathan sa dihang siya mahigugmaong nagpaila nga dapig kang David. Pagkamainiton ang gugma nga gipakita sa mga matang nga David ug Jonathan sa usag usa nianang yugtoa! Ang ilustrasyon ni Jesus sa Mateo 25:35-40 kadaghanan may literal nga katumanan.a

15. (a) Unsang dalan nga gikuha sa mga Saksi ang kasukwahi sa gikuha sa modernong Saul nga matang?

¹⁵ Pagkalahi ang paghupot sa integridad sa mga Saksi ni Jehova sa dalan sa modernong Saul nga matang! Ang mga Saksi, kinsa “dili bahin sa kalibotan,” nagmasinugtanon sa sugo ni Jesus nga mahigugma” sa usag usa” sa tibuok-kalibotang gidad-on. (Juan 15:17-19) Sa laing bahin, sa duha ka gubat sa kalibotan ang klero sa Kakristiyanohn sa duha ka kiliran miampo ngadto sa ilang “diyos” alang sa kadaogan, samtang ang minilyong sundalo gipamatay sa ilang kaubang relihiyonista sa ubang mga nasod. Ang “daotang espiritu gikan ni Jehova” nga nagkasakit kang Saul mahimong motumbas sa resulta pagbubo sa mga manulonda sa mga hampak sa Pinadayag kapitulo 8. Dayag nga ang klero sa Kakristiyanohan wala makabaton sa balaang espiritu ni Jehova.—1 Samuel 16:14; 18:10-12; 19:10; 20:32-34.

16. (a) Giunsa sa klero ang paggamit sa duha ka gubat sa kalibotan sa pagdaugdaog sa katawhan ni Jehova?

¹⁶ Niadtong 1918 gigamit sa klero ang krisis sa gubat sa paghaylo sa politikanhong mga gahom sa Tinipong Bansa sa paggukod sa responsableng opisyales sa Watch Tower Society ug sa kataposan sa pagpriso kanila. (Kining mga estudyante sa Bibliya sa ulahi bug-os nakalingkawas sa sala.) Panahon sa ikaduhang gubat sa kalibotan, ang mga Saksi ni Jehova gidili sa dominyo sa Axis nga mga gahom ug sa kadaghanang kanasoran sa British Commonwealth, kadaghanan ingong resulta sa relihiyosong pagpiot. Pananglitan, matikdi ang hulad sa usa ka sulat sa ibabaw nga gisulat sa Arsobispo sa Sydney (sa ulahi usa ka kardinal) una gayod sa pagdili sa mga Saksi ni Jehova sa Australia, ang huwes nga naghusay, si Mr. Justice Starke, nagbatbat niana ingong “diniktador, mabuutbuuton ug madaugdaogon.” Ang pagdili giwagtang niadtong Hunyo 14, 1943, ug ang gobyerno giiphan sa danyos. Sa katuigang mas bag-o pa, ang relihiyosong pagpit-os sa ubay-ubayng kagamhanan sa Aprika ug Asia misangpot sa mapintas nga pagdaugdaog sa mga Saksi ni Jehova. Sa ingon ang usa ka modernong-adlawng Saul—ang klero sa Kakristiyanohan—nagpadayon sa paggukod sa katawhan sa Diyos.

17. (a) Giunsa sa pag-atubang sa mga Saksi ni Jehova ang nagpadayong politikanhon-relihiyosong mga pagpitos? (b) Unsay gipasundayag sa tibuok-kalibotang panaghiusa sa mga Saksi?

¹⁷ Sa katuigang 1980, giunsa sa mga Saksi ni Jehova pag-atubang ang nagapadayong politikanhon-relihiyosong mga pagpit-os? Aw, sama gayod sa pag-atubang ni David kang Goliat, ug pag-atubang ni David ug Jonathan kang Haring Saul! Sila walay kahadlok ug determinado nga mohupot sa integridad kon bahin sa isyu sa pagkasoberano, kay sila nasayod nga magmadaogon ang Gingharian sa Diyos. (Daniel 2:44) Atubangan sa paglutos, sila nagkahiusa, nga nagadasig sa usag usa sa internasyonal nga bugkos sa gugma nga wala pa gayod sukad makita sa kalibotan. Ingong mga neyutral sa panahon sa gubat, sila dili moula sa dugo sa ilang isigkamagtutuo sa ubang mga nasod. (Miqueas 4:3, 5) Busa ilang ginapasundayag nga sila mao ang pundok nga gitumong ni Jesus sa miingon siya: “Pinaagi niini ang tanan mahibalo nga kamo akong mga tinun-an, kon kamo may gugma sa inyong taliwala.” (Juan 13:35) Ingong tibuok-yutang kapunongan, ang mga Saksi ni Jehova ‘nagsul-ob sa gugma, ang hingpit nga bugkos sa panaghiusa,’ usa ka bugkos nga molapaw sa tanang rasanhon, tribonhon, ug nasodnong mga babag.—Colosas 3:14.

Pagpakitag “Mainitong Gugma”

18. (a) Unsa ang katumbas karong adlawa sa gugma ni Jonathan alang kang David, ug unsay pamatuod niini?

¹⁸ Hinumdomi nga “ang kalag mismo ni Jonathan nalanggikit

sa kalag ni David, ug is Jonathan nahigugma kaniya ingon sa iyang kaugalingong kalag.” Pagkatalagsaon ang katumbas niini niining “kataposang mga adlaw”! (2 Timoteo 3:1, 14) Sa tibuok binuang nga kagubot niining mapintas nga panahon, may usa ka pundok, ang mga Saksi ni Jehova, nga naghupot sa mahigugmaong tibuok-yutang panaghiusa. Ingong Kristohanong mga neyutral, ilang gipasidunggan ang ilang Maglalalang ingong Soberanong Ginoo sa tanang katawhan. (Salmo 100:3) Ay, ang modernong-adlawng Rephaim—ang politikanhong mga kabanay ni “Goliat”—tingali mopadayon sa pagtamay sa espirituwal nga Israel. (2 Samuel 21:21, 22) Ug ang modernong-adlawng Saul—ang klero sa Kakristiyanohan—tingali mopadayon sa pagsamok sa David ug Jonathan nga mga matang. (1 Samuel 20:32, 33) Apan “ang gubat iya ni Jehova.” Ingong Soberanong Ginoo, maangkon niya ang kataposang kadaogan alang sa iyang maunongong mga alagad. Kay nakakita sa walay-pagkompromisong baroganan sa David nga matang, minilyon—diha sa tanang kayutaan—sa Jonathan nga pundok, bisan nag-apil sa kanhi mga maglulutos, miduyog kanila ubos sa ‘bandera sa gugma’ ni Kristo.b—1 Samuel 17:47; Awit ni Solomon 2:4.

19, 20. (a) Unsa ang pipila sa mga haylait sa kalihokan sa at are some of the highlights of the activity of the Witnesses as indicated by the chart on pages 4-7? (b) What was the growth rate of the Witnesses during the decade of 1979-88? (c) Nganong ikaingon nga ang mga Saksi maoy usa ka katawhan nga tinuod nahiusa sa tibuok kalibotan, ug busa unsang pangutana ang motungha?

¹⁹ Makasubli ka sa nagauswag nga kalihokan niining minilyong Saksi pinaagi sa pagkonsulta sa tsart sa mga panid 4-7 niining magasina. Sa dekada sa 1979-88, ang gidaghanon sa mga magsasangyaw sa maayong balita sa natukod nga Gingharian sa Diyos miuswag gikan sa 2,186,075 ngadto sa 3,592,654, usa ka 64.3-porsientong pag-uswag. Sa tibuok kalibotan, kini maoy usa ka katawhang tinuod nagkahiusa sa pag-ambit sa usa ra ka pagtuo, usa ra ka pag-alagad sa Diyos, ug sa usa ra ka dili-mabalhinong debosyon ngadto sa moral nga mga prinsipyo sa Bibliya. Maoy niining suod internasyonal nga pundok nga mapadapat ang mga pulong ni Jesus karong adlawa: “Kong inyong bantayan ang akong mga sugo, kamo magapabilin sa akong gugma, maingon nga akong gibantayan ang mga sugo sa Amahan ug nagapabilin sa iyang gugma.”—Juan 15:10; itandi ang 1 Corinto 1:10.

²⁰ Bisan pag sila nagasangyaw diha sa abot ug 200 ka lainlaing pinulongan, kining mga saksi ni Jehova nagasulti sa “maputling pinulongan” sa kamatuoran samtang sila nagaalagad sa Diyos “abaga sa abaga.” Niini, sila nagasundog sa mahigugmaong panig-ingnan ni David ug Jonathan. (Sofonias 3:9; 1 Samuel 20:17; Proverbio 18:24) Kon ikaw wala pa mahiusa sa katawhan sa Diyos, dili ba nimo gustong mahimong bahin sa modernong-adlawng Jonathan nga matang? Makahimo ka niana nga imong tumong, ug ang mga Saksi ni Jehova mopakitag mainitong gugma sa pagtabang kanimo sa pagkab-ot niana.

[Footnotes]

Mga Pangutana Alang sa Pagsubli

▫ Giunsa sa pagpahayag ni Jonathan ang maunongong gugma alang kang David?

▫ Unsang matang sa gugma ang gilandongan sa gugma tali ni David ug ni Jonathan?

▫ Sa unsang paagi ang klero sa Kakristiyanohan milihok sama kang Haring Saul sa dihang gigukod niya si David?

▫ Unsa karong adlawa ang katumbas sa gugma ni Jonathan alang kang David?

▫ Unsay gipasundayag sa panaghiusa sa mga Saksi sa tibuok kalibotan?

(b) Unsa sa atong adlaw ang mahimong motumbas sa “daotang espiritu gikan kang Jehova” nga nagsakit kang Haring Saul?

(b) Sa katuigang bag-o pa, nganong ikaingon nga ang modernong-adlawng Saul nagpadayon sa paggukod sa katawhan sa Diyos?

(b) Unsay misangpot sa tibuok kalibotan sa wala-mokompromisong baroganan sa David nga matang?

[Kahon sa panid 27]

St. Mary’s Cathedral

Sydney

August 20, 1940.

The Rt. Hon. W. M. Hughes, M.H.R.,K.C.,

Attorney General,

CANBERRA.

Dear Mr. Hughes:

Salamat sa imong sulat sa ika-9 ning bulana bahin sa mga pormal nga protesta nga gipahayag kanimo ni Gg. Jenings, H.P.

Hinuon, pabilhan nga imong himoon ang labing dakong pag-amping nianang delikado nga butang nga bahin niana gihimo ang pormal nga protesta.

Hinunoa, kon ang bugtong pagduhaduha nimo maoy tungod kay kining mga tawhana nagaangkong nagasabwag sa mga doktrina sa Kristiyanidad, sa labing matinahoron isugyot ko nga ang imong hukom sa ilang pagbuhat niini ipasukad, dili sa ilang pangankon, kondili sa mga kamatuoran. Alang sa mga kamatuoran, ania ang ilang mga basahon mismo ug ilang mga pulong ug binuhatan, nga gipamatud-an sa Polisiya sa New South Wales. Lisod mhunduraw ang butang labi pang supak sa Kristiyanidad.

Ang Komisyonado sa Polisiya sa N.S.W. nagpahayag sa iyang paglaom nga ideklarar sa awtoridad sa Commonwealth ang gilalisang Sosyedad nga supak-balaod nga pundok aron ang Polisiya makahimog mas epektibong aksiyon bahin niana.

With every good wish, I remain,

Yours faithfully,

ARCHBISHOP OF SYDNEY