Ang Espiritu ni Jehova Nag-uban Kanato

¹ Ingong mga Saksi ni Jehova, kita adunay natudlong dakong buluhaton. Si Jesus miingon: “Sa tanang kanasoran ang maayong balita kinahanglan nga mawali una.” (Mar. 13:10) Gipasukad sa tawhanong panglantaw, kini maorag imposible, apan dili. Atong nabatonan ang labing gamhanang puwersa sa uniberso nga nagpaluyo kanato​—ang espiritu sa Diyos!​—Mat. 19:26.

² Unang-Siglong Ebibensiya: Sa pagpadapat sa tagna ni Isaias sa iyang kaugalingon, si Jesus miingon: “Ang espiritu ni Jehova ania ibabaw kanako . . . aron magpahayag ug maayong balita.” (Luc. 4:17, 18) Una pa mosaka sa langit, iyang giingnan ang iyang mga apostol nga sila usab makabatog gahom pinaagi sa balaang espiritu aron sa pagpamatuod “ngadto sa kinalay-ang dapit sa yuta.” Human niadto, si Felipe gitultolan sa balaang espiritu sa pagsangyaw ngadto sa usa ka Etiopianhong opisyal sa palasyo, ang espiritu nagpadala kang Pedro ngadto sa Romanong senturyon, ug kini nagpadala kang Pablo ug Bernabe sa pagsangyaw ngadto sa paganong mga nasod. Kinsay naghunahuna nga ang mga tawo gikan sa maong mga kagikan mosanong sa kamatuoran? Apan sila misanong!​—Buh. 1:8; 8:29-38; 10:19, 20, 44-48; 13:2-4, 46-48.

³ Mobernong-Ablawng Ebibensiya: Ang libro sa Pinadayag nagapasiugda sa pagkalangkit sa balaang espiritu sa buluhatong pagsangyaw karong adlawa sa pag-ingon: “Ang espiritu ug ang pangasaw-onon padayong nagaingon: ‘Umari ka!’ . . . Si bisan kinsa nga buot pakuhaa sa tubig sa kinabuhi nga libre.” (Pin. 22:17) Ang espiritu nagdasig sa pangasaw-onong matang ni Kristo ug sa ilang “ubang mga karnero” nga mga kaubanan aron sa pagsangyaw sa maayong balita ngadto sa tanang mga katawhan. (Juan 10:16) Kinahanglang maisogon kita sa atong pagsangyaw, nga dili gayod magpanuko sa pagduol sa mga tawo sa tanang matang, nga kanunayng masaligon nga ang espiritu sa Diyos motabang kanato. Ang 1998 Yearbook nagataganag makapakombinsir nga pamatuod nga ang espiritu sa Diyos padayong nag-uban sa iyang mga alagad. Tan-awa ang pagsanong! Sulod sa miaging duha ka tuig sa pag-alagad, ang aberids nga kapin sa 1,000 ang nabawtismohan kada adlaw!

⁴ Saligi nga ang espiritu sa Diyos mopadayon pag-uban kanato samtang kita mosangyaw sa mensahe sa Gingharian ngadto sa gilapdon nga buot ni Jehova. Kining kahibaloa angayng modasig ug mopalihok kanato nga padayong maningkamot sa atong kaugalingon sa masibotong paagi diha sa hinungdanon-kaayong buluhaton sa Gingharian.​—1 Tim. 4:10.