Unsa ka Dako ang Imong Pagpabili sa Pulong sa Diyos?

Makita diha sa Bibliya ang mga hunahuna ug tambag ni Jehova nga Diyos, ang Awtor niining sagradong basahon. (2Pe 1:20, 21) Aron ipasiugda ang pagbindikar sa pagkasoberano sa Diyos pinaagi sa iyang Gingharian, ang Bibliya nagtanyag sa tanang tawo ug usa ka maayong kaugmaon nga hapit nang moabot. Gipakita sab sa Bibliya ang mahigugmaong personalidad sa atong langitnong Amahan, si Jehova.​—Sal 86:15.

Managlahi ang atong mga rason sa pagpabili sa Pulong ni Jehova. Pero gipabilhan ba nato ni nga regalo pinaagi sa pagbasa niini kada adlaw ug sa pagpadapat niini sa atong kinabuhi? Hinaot nga makita sa atong mga buhat nga parehas tag gibati sa salmista: “Gihigugma gyod nako ang imong balaod!” ​—Sal 119:97.

TAN-AWA ANG VIDEO NGA ILANG GIPABILHAN ANG BIBLIYA—EXCERPT (WILLIAM TYNDALE), DAYON TUBAGA ANG MOSUNOD NGA MGA PANGUTANA:

• 

  Nganong gihubad ni William Tyndale ang pipila ka bahin sa Bibliya?

• Nganong talagsaon ang iyang mga paningkamot sa paghubad sa Bibliya?

• Sa unsang paagi ang mga kopya sa Bibliya nga gihubad ni Tyndale gipayuhot ngadto sa England?

• Unsaon nato pagpakita nga gipabilhan nato ang Pulong sa Diyos?