LEMUEL

[Iya sa Diyos].

Usa ka wala-mailhing hari sa karaang kapanahonan kansang mga pulong gitala sa Proverbio kapitulo 31. Ang iyang tinuod nga pagkatawo nahimong ulohan sa dakong panaghisgot, gituohan sa pipila ka komentarista nga ang Lemuel maoy laing ngalan ni Solomon. Gituohan sa uban nga si Lemuel mao si Ezequias. Ang mga pulong ni Haring Lemuel naglangkob sa “mabug-at nga mensahe nga gihatag kaniya sa iyang inahan ingon nga pagtul-id.” (Pr 31:1) Apan, wala mahibaloi ang panahon ug ang mga kahimtang sa pagkadawat sa hari niini nga impormasyon gikan sa iyang inahan. Kining “mabug-at nga mensahe” nagtambag batok sa pagkalangkit sa daotang babaye, nagpasidaan kon sa unsang paagi ang makahubog nga ilimnon makatuis sa paghukom, nagpasiugda sa panginahanglan sa pagpakanaog ug matarong nga paghukom, ug unya naghubit sa usa ka maayong asawa.