SITYANHON

Usa ka mabangis nga katawhan nga nagbalhinbalhin pagpuyo ug kasagarang gilangkit sa rehiyon sa A ug sa AS sa Itom nga Dagat. Gipakita sa ebidensiya nga sa ilang paglatagaw sila nakaabot sa kasadpang Siberia duol sa utlanan sa Mongolia. Sa unang siglo K.P. ang pulong nga “Sityanhon” nagtumong sa labing grabe sa dili-sibilisadong katawhan. Apan, bisan ang ingon niini nga mga tawo mahimong mga Kristohanon ug makabaton ug samang baroganan sa ubang mga magtutuo ingong mga membro sa lawas ni Kristo. Si apostol Pablo misulat: “Walay Grego ni Hudiyo, pagkatinuli ni pagkadili-tinuli, langyaw, Sityanhon, ulipon, tawong gawasnon, hinunoa si Kristo maoy tanang butang ug anaa sa tanan.”​—Col 3:11; tan-awa ang PAGSAMADSAMAD.