Ipaambit ang “Maayong mga Butang” Pinaagi sa Pagkamaabiabihon (Mat. 12:35a)

Gusto gyod natong ipaambit ang “maayong mga butang” pinaagi sa pagsubay sa “dalan sa pagkamaabiabihon.” (Roma 12:13) Ang mga ansiyano maoy manguna sa paghimog kahikayan sa pag-abiabi sa nagaduawng mamumulong ug sa paghulip sa ilang galastohan sa pagbiyahe. Pero sa atong bahin, basin magduhaduha ta sa pag-abiabi kay wala tay ikagasto, o basin maulaw tang mangimbitar sa atong balay. Aron mabuntog kini nga pagbati, makatabang ang tambag ni Jesus kang Marta. (Luc. 10:39-42) Iyang gipasiugda nga “ang maayong bahin” sa pagkamaabiabihon mao ang panag-ubanay ug pagdinasigay, dili ang daghang pagkaon o nindot nga balay. Kon atong ipadapat kining tambaga, ikapaambit nato sa mga igsoon ang “maayong mga butang” sumala sa Bibliya.—3 Juan 5-8.