Maayong mga Buhat nga Dili Kalimtan

Ang tanang alagad ni Jehova makahimog maayong mga buhat sa pag-alagad kaniya, ug iya kining hinumdoman hangtod sa hangtod. Samag mahigugmaong ginikanan nga dili malimot sa maayong mga nahimo sa iyang mga anak, dili kalimtan ni Jehova ang buhat ug gugma nga atong gipakita para sa iyang ngalan. (Mat 6:20; Heb 6:10) Siyempre, lainlain tag katakos ug kahimtang. Pero kon himoon nato ang atong maarangan sa pag-alagad kang Jehova, magmalipayon ta. (Gal 6:4; Col 3:23) Sulod sa daghang katuigan, linibo ka igsoon ang nakaalagad sa Bethel. Makahimo ka ba sa pagboluntaryo sa Bethel? Kon dili, makadasig ka ba sa uban sa pagboluntaryo o makatabang ka ba sa usa ka Bethelite nga makapadayon niining espesyal nga pribilehiyo sa pag-alagad?

TAN-AWA ANG VIDEO NGA SULAYI ANG PAG-ALAGAD SA BETHEL, DAYON TUBAGA ANG MOSUNOD NGA MGA PANGUTANA:

• Unsay angayng motibo niadtong gustong moalagad sa Bethel?

• Unsay giingon sa pipila bahin sa mga panalangin sa pag-alagad sa Bethel?

• Unsay mga kuwalipikasyon sa pag-alagad sa Bethel?

• Unsaon nimo pag-aplay sa Bethel?