GIRGASIHANON

Usa ka katawhan nga naggikan kang Ham pinaagi kang Canaan. (Gen 10:​6, 15, 16; 1Cr 1:​8, 13, 14) Ang mga Girgasihanon nagpuyo sa K sa Jordan. Bisan pag gamhanan, sila ug ang ubang unom ka Canaanhong mga nasod nakaagom ug kapildihan, kay si Jehova nagtugyan kanila ngadto sa mga kamot sa iyang katawhan. (Deu 7:​1, 2; Jos 3:10; 24:11) Kini nagtuman sa saad nga gihimo sa Diyos ngadto kang Abraham kasiglohan una pa niana. (Gen 15:13-21; Neh 9:​7, 8) Ang mga ngalan nga “Girgas” ug “Ben-Girgas,” nga makaplagan sa Ugaritikanhon nga literatura, gihisgotan ingong posibleng pamatuod sa paglungtad sa mga Girgasihanon.