SUPIM

1. Usa ka kaliwat ni Benjamin, tingali pinaagi kang Bela ug Ir(i). (1Cr 7:​6, 7, 12) Ang paglakip kang Supim sa mga talaan sa kaliwat ni Manases diha sa 1 Cronicas 7:15 nagpakitag dili-naandang relasyon tali sa mga tribo. Sa Genesis 46:21 si Supim gitawag ug Mupim, lagmit tungod sa pagkaamgid sa mga titik diha sa karaang alpabeto nga Hebreohanon nga gihawasan diha sa Cebuano sa mga titik nga s ug m. Ang ngalan giespeling usab nga Sepupa(m, n), ug kini nagpaila sa indibiduwal ingong nagpundar sa usa ka Benjaminhon nga tribonhong banay sa mga Supamnon.​—Num 26:39; 1Cr 8:5.

2. Usa ka magbalantay-sa-ganghaan nga gitudlo sa K sa sangtuwaryo. (1Cr 26:16) Sanglit ang ulahing tulo ka karakter sa iyang ngalan diha sa Hebreohanon (Shup·pimʹ) pareho man sa ulahing tulo ka karakter sa naunang termino (behth ha·ʼasup·pimʹ), ang mga eskolar nagduda nga kini maoy usa ka dittograph (usa ka wala tuyoa nga pagsubli sa magkokopya), busa, niini nga bersikulo, kini dili ngalan sa usa ka tawo.​—Itandi ang 1Cr 26:​10, 11.