GERASANHON

[Taga- (Iya sa) Gerasa].

Didto sa “yuta sa mga Gerasanhon,” nga diha niini may usa ka luna nga nahimutang sa S sa Dagat sa Galilea, giayo ni Jesu-Kristo ang duha ka tawo nga gigamhan-sa-demonyo. (Mar 5:1-20; Luc 8:26-39; itandi ang Mat 8:28-34.) Ang tinong mga utlanan niining dapita wala mahibaloi sa pagkakaron, ug dili matino ang nahimutangan niini. Gilangkit kini sa pipila ka eskolar sa dapit sa S nga baybayon sa Dagat sa Galilea palibot sa Kursi, ang dapit nga giila ni Origen ug Eusebius ingong Gergesa. Kini lang ang dapit nga dunay mga pangpang nga duol sa baybayon. Gituohan sa uban nga kini ang halapad nga distrito palibot sa siyudad sa Gerasa (Jarash).​—Tan-awa ang GADARANHON.