BABAYENG GAWASNON

Usa ka babaye nga dili ilalom sa pagkaulipon. Kini nga termino gigamit maylabot sa asawa ni Abraham nga si Sara ug sa “Jerusalem sa itaas.” Sukad sa panahon nga gipagawas ni Jehova nga Diyos ang mga Israelinhon gikan sa pagkaulipon sa Ehipto ug gihatag kanila ang Balaod didto sa Bukid sa Sinai hangtod sa pagkatapos sa pakigsaad sa Balaod niadtong 33 K.P., giisip ni Jehova ang nasod sa Israel ingong usa ka segundaryong asawa. (Jer 3:14; 31:​31, 32) Apan, ang Balaod wala maghimo sa nasod sa Israel nga usa ka babayeng gawasnon, kay kini nagpakita sa mga Israelinhon ingong nailalom sa sala, sa ingon mga ulipon. Busa, haom gayod nga si Pablo nagtandi sa naulipong Jerusalem sa iyang adlaw ngadto sa sulugoong babaye nga si Agar, ang puyopuyo ni Abraham, ug ang “mga anak” o mga lungsoranon sa Jerusalem ngadto sa anak nga lalaki ni Agar nga si Ismael. Sa kasukwahi, ang orihinal nga asawa sa Diyos, ang Jerusalem sa itaas, sama kang Sara, kanunay nga usa ka babayeng gawasnon, ug ang iyang mga anak gawasnon usab. Aron mahimong anak nga gawasnon sa Jerusalem sa itaas, nga nagbaton sa “iyang kagawasan,” ang usa gikinahanglan nga mapahigawas gikan sa pagkaulipon sa sala pinaagi sa Anak sa Diyos.​—Gal 4:22–​5:1 ug ftn sa 5:1 sa Rbi8; Ju 8:34-36.