YIKUMA YILEMU YA MU LIJI LIA ZAMBI | MATEU 18-19
Twatamba Kukeya, Hanga Tuhone Kutalingisa Akwetu ni Yetu Ene
Yesu katele yishima yino hanga te asolole ponde yatwama ha kutalingisa akwetu ni yetu ene.
Liji “Yitalingiso” linatale ha yitanga hanji chuma chize muchihasa kulingisa mutu kwenda mujila yipi, hanga alimbuke hanji alinge shili
Mutu yoze wakutalikisa akwo, te katamba kumukasa liwe linene lia kutwa nalio mu kota yenyi, akamushimbamise mu jinga lia kalunga-lwiji
Millstones
Yesu kakolwezele tumbaji jenyi hanga ambila koko hanji chuma cheswacho chize te muchaatalingisa
Muchipema nyi mutwecha kulinga chuma cheswacho twakuzanga hanga tunjile mu Wanangana wa Zambi, kuhiana kuchikwachilila hanga akatunongese mu Ngahena, yize yinalumbunuka chilayi cha unongeso wa mutolo
Yika ku mwono wami muyihasa kupwa ngwe liwe lia chitalingiso? Nawa kuchi munguhasa kwehuka kutalingisa akwetu hanji yami mwene?