Kuwahisa Uhashi Wetu wa Kwambujola

Kuhanjika ni Vumbi Muchitwaha Uhashi wa Kwambujola Sango Jipema Yesu kahashile kwambujola cha susumuku kuli pwo Ka-Samaria, mumu iye mwe waputukile kuhanjika chitangu. Kuchi mutuhasa kuwahisa uhashi wetu ha kuhanjika ni atu waze kutwanyingikine?

• Solola vumbi nawa hanjika ni atu. Chipwe ngwe Yesu te kanahonga, alioze kaputukile kuhanjika ha kwita meya. Kashika, ni yena muhasa kuputuka kuhanjika ni mutu ha kumumeneka, mba uhanjike hakutwala ku mashimbu, hanji yuma yize yinalingiwa. Ewuluka ngwe, chuma unazange chili, kuhanjika ni mutu, kashika hanjika yuma yize muyimukwata ku mbunge. Nyi kakukumbulwile, kanda uhonga. Eseka kuhanji ni mutu mukwo. Eta hamu kuli Yehova.—Neh 2:4; Yi 4:29.

• Kanyama hanga uhase kwambujola kuli mutu mweswawo masoloka, alioze kanda ulipupula. Kanda ushinjila atu hanga akupanjike. Nyi washinjila atu hanga apanjike sango jize unaalweza, ayo hanji mahasa kwivwa kupiha nawa kechi kukukumbulula. Kanda ulipikala nyi mumona ngwe wahashile kumwambulwila sango jipema. Nyi mumona ngwe maliji waze walulieka hanga wambujole no sango jipema kanakaliwa, eseka kwaahanjieka ukawe cha kuhona kwambujola. [Solola chinema 1 nawa chishimutwinenu.]

• Eseka kufupa uhashi hanga wambujole sango jipema hakutwala ku ufulielo we, chino muchihasa kukwasa mutu akwite hanga umulumbunwine kanawa ufulielo we. Yesu kahanjikile yuma yize yakwachile ku mbunge ya pwo Ka-Samaria, kashika amuhulile yihula. Muze Yesu aputukile kumwambulwila sango, yakumbulula yihula yenyi. [Solola chinema 2 nawa chishimutwinenu, ni chinema 3 nawa chishimutwinenu.]