UTULIKILO WA MIKANDA HA INTERNET wa Watchtower

Kuchi Mwono Waputukile?

Wahilila ku Mwono ku Miaka Yeswe!—Longeso Lia Mbimbiliya
- 1. Iya watangile malilu ni hashi?
  
  Mbimbiliya yinambe ngwo: “Ha uputukilo Zambi watangile malilu ni hashi.” (Uputukilo 1:1) Akwa-ciência kakutayiza ngwo malilu ni hashi yapwile ni uputukilo. Mba iya watangile malilu ni hashi? Zambi kazachishile tachi jenyi, hanji ngwetu spiritu yenyi yisandu mba atange malilu ni hashi, galáxia, tutongonoshi ni yuma yikwo nawa.—Uputukilo 1:2.

Kuchi Mwono Waputukile?

Wahilila ku Mwono ku Miaka Yeswe!—Longeso Lia Mbimbiliya
- 5. Yuma yize Mbimbiliya yakwamba yili yamwenemwene
  
  Mukanda wa Uputukilo kapitulu 1 unahanjika ha chize atangile malilu ni hashi. Shina twatamba lume kufuliela ha sango jacho nyi ka? Tala CHINEMA, mba nushimutwine yihula yino:
  
  CHINEMA: Iya Watangile Malilu ni Hashi?—Chinema Chikehe (3:51)
  
  Shina Mbimbiliya yakulongesa ngwo, hashi katangileho ha matangwa asambano a maola 24?
  
  Shina ulumbunwiso wa Mbimbiliya hakutwala ku yitangiwa unalite? Mumu liaka wamba ngwe ewa, hanji ngwe ka?
  
  Tanga Uputukilo 1:1, mba nushimutwine chihula chino:
  
  Akwa-ciência kakutayiza ngwo malilu ni hashi yapwile ni uputukilo. Kuchi yino yinalite ni yize watanga mu Mbimbiliya?
  
  Atu amwe kakunyonga ngwe Zambi kazachishile evolução mba atange mwono. Tanga Uputukilo 1:21, 25, 27, mba nushimutwine yihula yino:
  
  Shina Mbimbiliya yakulongesa ngwo Zambi kazachishile evolução mba atange yishi, tushitu ni atu? Nyi shina katangile yuma yeswe yikwete mwono kulita ni “mavungu” jo?b