-
Upapachiso—Chuma Chize Chahiana Ulemu!Wahilila ku Mwono ku Miaka Yeswe!—Longeso Lia Mbimbiliya
-
-
3. Yika mutu atamba kulinga shimbu kanda achimupapachisa?
Shimbu kanda achikupapachisa, chili chilemu kulilongesa hakutwala kuli Yehova ni kufuliela muli iye. (Tanga A-Hepreu 11:6.) Muze chinyingi ni ufulielo we muukola, zango lie hali Yehova nelio mulikola. Chikwo nawa, muzanga kwambujola hakutwala kuli Yehova ni kutwama kulita ni shimbi jenyi. (2 Timoteu 4:2; 1 Yoano 5:3) Muze mutu maputuka kwenda “ngwe chinatela Mwene mu upemeno weswe,” iye mahasa kukwata chiyulo cha kulihana kuli Yehova ni kumupapachisa.—A-Kolosu 1:9, 10.a
-
-
Upapachiso—Chuma Chize Chahiana Ulemu!Wahilila ku Mwono ku Miaka Yeswe!—Longeso Lia Mbimbiliya
-
-
a Nyi ngwe mutu kaliangile kumupapachisa mu yimwe yingeleja, katamba kumupapachisa cheka. Mumu liaka? Mumu mu mayingeleja keshi kulongesamo umwenemwene wa mu Mbimbiliya.—Tala Yilinga 19:1-5 ni Longeso 13.
-
-
Shina Hiwalilulieka ni Kukupapachisa?Wahilila ku Mwono ku Miaka Yeswe!—Longeso Lia Mbimbiliya
-
-
1. Shina watamba kunyingika yuma yeswe ya mu Mbimbiliya mba akupapachise?
Mutu katamba kupwa ni “chinyingi cha umwenemwene” mba amupapachise. (1 Timoteu 2:4) Alioze, chino kuchalumbunukine ngwo watamba kunyingika makumbululo eswe a yihula ya mu Mbimbiliya mba akupapachise. Mumu chipwe akwa-Kristu waze apapachishile kulu, nihindu machinunga ni kulilongesa. (A-Kolosu 1:9, 10) Alioze watamba kupwa ni chinyingi cha yuma yilemu ya mu Mbimbiliya. Makulwana a mu chikungulwila makukwasa kunyingika nyi uli ni chinyingi chize mutu atamba kupwa nacho mba amupapachise nyi ka.
-