• Chize Uwayilo wa Mahuza wakupihisa Lufuma wa Zambi
    Wahilila ku Mwono ku Miaka Yeswe!—Longeso Lia Mbimbiliya

    • 2. Kuchi yitanga ya mu uwayilo wa mahuza yakupihisa lufuma wa Zambi?

      Akwa-uwayilo wa mahuza keshi kumona atu ngwe chize Yehova akwamona. Mbimbiliya yakwamba ngwo, ‘milonga ya akwa uwayilo wa mahuza hiyaheta ndo mwilu.’ (Usolwelo 18:5) Ha miaka yinji, mayingeleja a mahuza kakulinjisa mu yuma ya mafwefwe, kakuhakwila jita ni kushihisa atu anji. Mangana anji a mayingeleja kakuzanga kupwa pichi, kashika akwita mbongo kuli atu waze akuya mu mayingeleja jo. Yitanga ayi yakusolola ngwo, o kanyingikine Zambi, kashika keshi ni ulite wa kumanyinako Yehova.—Tanga 1 Yoano 4:8.

  • Nunga ni Kushishika Kuli Yehova
    Wahilila ku Mwono ku Miaka Yeswe!—Longeso Lia Mbimbiliya

    • Tala CHINEMA.

      CHINEMA: Tuhuka mu Babilonia Yinene! (5:06)

      Yizulie ya ha chinema chakwamba ngwo, ‘Tuhuka mu Babilonia Yinene!’ Umwe longi wa Mbimbiliya kanasosoloka kuli umwe ngana wa yingeleja hanyima lia kwecha mulimo uze apwile ni kulinga mu yingeleja.

      Tanga Luka 4:8 ni Usolwelo 18:4, 5, mba nushimutwine yihula yino:

      • Shina jina liami lichili liakusoneka mu mukanda wa yimwe yingeleja?

      • Shina nguli mu umwe ululikiso uze wakulinjisa mu yuma ya uwayilo wa mahuza?

      • Shina mulimo uze nakulinga wakukwasa uwayilo wa mahuza?

      • Shina kuli chuma chimwe ku mwono wami chize natamba kwalumuna hanga ngulihandunune ni uwayilo wa mahuza?

      • Nyi nakumbulula ngwami ewa ku chimwe cha ku yihula yino, yuma yika natamba kwalumuna?

      Kukwata yiyulo yize yakukukwasa kupwa ni mbunge yitoma chakusolola ngwo, washishika kuli Yehova.

      Umwe ndumbu wa pwo ni mwanenyi kanakatuka mu loja. Kanapalika hali umwe pwo yoze unechi ukwaso hanga akwase yingeleja.

      Yika mulinga nyi makwita hanga ukwase yuma ya yingeleja?

      ATU AMWE KAKWAMBA NGWO: “Natamba kunyingika yize yitanganyanyi akwamba hakutwala kuli Yela ja Yehova hanga ngukalile umwenemwene.”